Balita Hiligaynon

Murcia PNP photoWala na matabangan sa ospital ang mag live in partner nga sanday Arnel Calalas kag Jessa Laranio matapos maka bunggo sa nag parking nga truck ang ila nga motor sang Dominggo sang gab-i sa Barangay Pandanon sa banwa sang Murcia.Ang ila anak nga menor de edad ang nag angkun man sa kapilasan bangud sang pag bunggo.Suno sa Murcia PNP, naga dalagan ang motorsiklo kun sa diin sakay ang mag live in partner kag ...

PDEA-6 photoDuha ka mga drug den sa Bacolod ang gin raid sang PDEA sa separado nga mga buybust operation.Gindakop ang gina alegar naga padalagan sang drug den nga si Rigor Diaz,. Kaupod niya nga na aresto sanday Rona Rose Calabon, Jonathan Aguillon, Romeo Legaspi, Michael Millendez, Samuel Bautista, Nino Sulitas kag Johan Herven Delfin.Ginpatigayon sang PDEA Region 6 ang operation sa Purok Ceriza Dos, sa Barangay 27 sa Bacolod sang kahapon.Suno sa PDEA may nakuha sila nga 12 grams sang shabu nga naga balor sang masobra sa otsenta mil pesos, drug paraphernalia kag drug bust money. Pasakaan sila sang mga kaso angut sa iligal nga droga.Kaina sang kaagahon masobra sa stenta mil pesos nga balor sang suspected shabu ang nakuha sang PDEA Negros Occidental sa buy bust operation...

San Carlos PIO photoBiernes sang hapon sang temporaryo nag untat ang San Carlos Bioenergy, Inc., sang operation sini.Sa Facebook page sang San Carlos City, ang siudad ang nagpadala sang sulat sa amo nga kumbuyahan sadtong Pebrero 18.Suno kay Mayor Renato Gustilo, pila sa mga environmental violation nga na nakit-an amo ang mga insidente sang water discoloration sa baybayon sang Sitio Maloloy-on, Brgy. Punao tuga sang wastewater discharge.May mga video footage kag report gikan sa City Planning and Development Coordinator’s Office, Bantay Katunggan sang Coastal Resource Management sa idalom sang City Environment Management Office, Eco-Zone Multi partite Monitoring Team kag City Disaster Risk Reduction Management Office ang nalakip sa ebedensya sa amo nga pagsupak.Gin-abisu...

Rey Siason photoAlkalde sang banwa sang Hinobaan ang naga plano sang pagbukas sang border sini sa mga pumuluyo sang Bayawan City kag Basay sa Negros Oriental.Suno kay Mayor Ernesto Estrao ang iya plano amo nga sa sulod lamang sang dose ka oras sarang ang mga ginpasulod nga maka tenir sa Hinobaan para mag hikut angut sa essential business.Talakayon pa ni ni Estrao kay Mayor Henry Teves sang Bayawan kag Mayor Maki Canyamague sang Basay ang ini nga plano.Maga sugilanon man si Estrao kay Governor Eugenio Jose Lacson.Suno kay Lacson wala pa sila maka istorya pero bukas siya sa pagmati sa amo nga plano.Natalana man nga magbukas sang siudad sang Kabankalan para sa pumuluyo sa Mabinay, Negros Oriental sa Marso uno sa kasubong man nga kondisyon - 12 ka oras ang kalawigon nga...

BCPO photoPatay ang naga angkasanay sa motor nga sanday Mark Joshua Dalumpines kag Adrian Bacan matapos mag labog sa dalan sang mabunggo sa gutter ang ila motorsiklo pasado las 12 Sabado sang kaagahon.Sa imbestigasyon sang PNP, papuli na kun tani ang duha kag sang maglabay sa bahin sang sa Buri Road sa Barangay Mandalagan, hinali na lang nadulaan sang control si Dalumpines nga amo ang naga dala sang motor.Ang motor ang nakaigu sa gutter kag naglabog ang duha ka sakay kag sila ang naigu sa concrete pipes sa kilid sang dalan nga gin tunaan sang ila kamatayon.Samtang, 9 naman tanan ang pilason sa pag bunguanay sang duha ka pickup sa dalan Rizal Lacson sang kahapon sang kaagahon.Suno kay Major Ramel Sarona, hepe sang Police Station 1, mismo sa tunga sang dalan nabungguan sa...

BCPO photoMetro Bacolod Chamber of Commerce and Industry ang nagpabutyag sang kahangawa sa mga nagaluntad nga insidente sang pagpangluthang sa siudad.Suno sa chief executive officer sang MBCCI nga si Frank Carbon, indi sila kuntento sa ginapahayag sang PNP nga isolated incident lang ang mga nagkalatabo nga pagpaniru sa bacolod humalin sang nagliligad nga mga semana.Ginpahayag ni Carbon nga luyag nila nga padalman pa gid sang pnp ang imbestigasyon sang mga kaso bangud mahimo may iban pa gid ini nga kabangdanan nga maka apekto sa komunidad.Bukas ang MBCCI sa pagbulig sa PNP para mapaiway ang pagluntad sang iban pa gid nga mga krimen.Ginahinyo man nila ang PNP nga magpatigayon sang police visibility ilabi na sa mga inoras kag sa mga lugar kun sa diin masami nagaluntad ang ...

BCPO photoPatay ang 29 anyos nga si Medelyn Benignos matapos tiruhon sang riding in tandem Sabado sang gab-i sa dalan sa atubang sang parking lot sa Ayala Capitol Central sa Bacolod.Suno sa deputy station commander sang Police Station 2 nga si Lieutenant Andy Ofalia, ang biktima ang na gikan sa 888 mall sa Bacolod kun sa diin siya ang may baligyaan sang cellphone accessories kag mapuli na kun tani sa Barangay 2 gani siya ang nag sakay sa tricycle sang magasawa nga padulong man sa iya gina pulian.Sang mag lab-ot sa bahin sang dalan sa South Capitol Road, hinali na lang suno sa pulis nga gin tiro sang riding in tandem nga naga sunod sa tricycle si Benignos.Siya ang may igu sang bala sa ulo kag sa liog suno sa pulis. Wala naman masamaran ang magasawa nga driver sang tricycle k...

Ma serbe lang kun tani ang nagkalain lain nga unit sang PNP sa warrant of arrest sa 25 anyos nga si Eddie Epogon sang Sabado sang kaagahon sa Barangay San Jose sa siudad sang Sipalay ugaling nangin maduguon in matapos gina alegar mag bato sa kapulisan si Epogon.Si Epogon nga suno sa pulis miyembro sang kilala nga Epogon Robbery Group ang may warrant of arrest sa kaso nga robbery with homicide kag paglapas sa RA 10591 kag RA 9516.Suno sa pulis, sang sila ang maga serbe na sang warrant, ginpaniro sila ni Epogon sang iya armas kag ini ang nag tulod sa isa ka pulis nga mag palupok man sang iya nga armas nga nag resulta sa kamatayon ni Epogon.

Siudad sang Himamaylan ang nag avail saang 500 million pesos loan gikan sa Landbank of the Philippines para sa dredging sang mga waterways sini, pag pa ayo sang aguisan port kag iban nga proyekto.Ini suno kay Mayor Raymund Tongson, Jr nga nag siling nga ang siudad sang magabakal sang duha ka dredger para mag desilt sang mga suba sini kag coastal areas.Iga expand man ang agusan port kag maga tukod sang esplanade kag maga butang sang organic market.Ang siudad ang maga operate sang puerto.Positibo ang alkalde sa pagsanyog sang Himamaylan. Sa sulod lamang sang isa ka tuig kag tunga may tatlo ka mga bangko ang nagbukas nga sa malawig nga tiun ang siudad may isa lang ka bangko kag ini ang nagsira pa.May ginapaabot pag gid nga magabukas kag may mga restaurant pa gid nga maga a...