Shadow

Iligal nag droga, personal kag away sa negosyo, pila sa ginatan-aw sang PNP nga posible motibo sa pag patay sa babayi nga sakay sa tricycle

BCPO photo

Patay ang 29 anyos nga si Medelyn Benignos matapos tiruhon sang riding in tandem Sabado sang gab-i sa dalan sa atubang sang parking lot sa Ayala Capitol Central sa Bacolod.

Suno sa deputy station commander sang Police Station 2 nga si Lieutenant Andy Ofalia, ang biktima ang na gikan sa 888 mall sa Bacolod kun sa diin siya ang may baligyaan sang cellphone accessories kag mapuli na kun tani sa Barangay 2 gani siya ang nag sakay sa tricycle sang magasawa nga padulong man sa iya gina pulian.

Sang mag lab-ot sa bahin sang dalan sa South Capitol Road, hinali na lang suno sa pulis nga gin tiro sang riding in tandem nga naga sunod sa tricycle si Benignos.

Siya ang may igu sang bala sa ulo kag sa liog suno sa pulis. Wala naman masamaran ang magasawa nga driver sang tricycle kag isa pa ka pasahero.

Suno sa pulis, si Benignos amo gid mismo ang gin target nga patyon sang riding in tandem.

Si Ofalia nagsiling nga madamo nga anggulo ang ila karon gina tan-aw bangud sang mga impormasyon man nga ila nabaton.

Isa diri amo nga posible asset ukon nasal-an nga asset si Benignos. Ila man ginahibalo kun siya ang imbolbado man sa iligal nga droga.

Mahimo may kaangtanan man sa iya negosyo ang pagpatay sa iya.

Madamo man siya kaaway suno sa pulis base sa iya mga post sa social media.

Padayon ang imbestigasyon sang kapulisan sa karon.

Leave a Reply

Your email address will not be published. Required fields are marked *

Secured By miniOrangeSecured By miniOrange