Shadow

Hinoba-an LGU naga plano nga pahalugan ang borders nila sa Basay kag Bayawan

Rey Siason photo

Alkalde sang banwa sang Hinobaan ang naga plano sang pagbukas sang border sini sa mga pumuluyo sang Bayawan City kag Basay sa Negros Oriental.

Suno kay Mayor Ernesto Estrao ang iya plano amo nga sa sulod lamang sang dose ka oras sarang ang mga ginpasulod nga maka tenir sa Hinobaan para mag hikut angut sa essential business.

Talakayon pa ni ni Estrao kay Mayor Henry Teves sang Bayawan kag Mayor Maki Canyamague sang Basay ang ini nga plano.

Maga sugilanon man si Estrao kay Governor Eugenio Jose Lacson.

Suno kay Lacson wala pa sila maka istorya pero bukas siya sa pagmati sa amo nga plano.

Natalana man nga magbukas sang siudad sang Kabankalan para sa pumuluyo sa Mabinay, Negros Oriental sa Marso uno sa kasubong man nga kondisyon – 12 ka oras ang kalawigon nga pagtenir.

Nagsugilanon man si Lacson kay San Carlos City Mayor Renato Gustilo angut man sa kasubong nga mga kondisyon sa Kabankalan-Mabinay border para sa San Carlos-Vallehermoso border.

Secured By miniOrangeSecured By miniOrange