Shadow

2 ka drug den gin raid sang PDEA

PDEA-6 photo

Duha ka mga drug den sa Bacolod ang gin raid sang PDEA sa separado nga mga buybust operation.

Gindakop ang gina alegar naga padalagan sang drug den nga si Rigor Diaz,. Kaupod niya nga na aresto sanday Rona Rose Calabon, Jonathan Aguillon, Romeo Legaspi, Michael Millendez, Samuel Bautista, Nino Sulitas kag Johan Herven Delfin.

Ginpatigayon sang PDEA Region 6 ang operation sa Purok Ceriza Dos, sa Barangay 27 sa Bacolod sang kahapon.

Suno sa PDEA may nakuha sila nga 12 grams sang shabu nga naga balor sang masobra sa otsenta mil pesos, drug paraphernalia kag drug bust money. Pasakaan sila sang mga kaso angut sa iligal nga droga.

Kaina sang kaagahon masobra sa stenta mil pesos nga balor sang suspected shabu ang nakuha sang PDEA Negros Occidental sa buy bust operation sa Barangay Banago kaina sang kaagahon.

Gindakop ang gina alegar naga padalagan sang drug den nga si Romeo Gain alyas Nonoy, mag amay nga Romy, Ronny kag Jupiter valenzuela, kag magpakaisahanay nga sanday Marvic, Rico kag Reymart dela Torre.

Pasakaan sila sang kaso nga pagsupak sa RA 9165.

Leave a Reply

Your email address will not be published. Required fields are marked *

Secured By miniOrangeSecured By miniOrange