Shadow

2 patay, 9 pilason sa separado nga insidente sang pag bungguanay

BCPO photo

Patay ang naga angkasanay sa motor nga sanday Mark Joshua Dalumpines kag Adrian Bacan matapos mag labog sa dalan sang mabunggo sa gutter ang ila motorsiklo pasado las 12 Sabado sang kaagahon.

Sa imbestigasyon sang PNP, papuli na kun tani ang duha kag sang maglabay sa bahin sang sa Buri Road sa Barangay Mandalagan, hinali na lang nadulaan sang control si Dalumpines nga amo ang naga dala sang motor.

Ang motor ang nakaigu sa gutter kag naglabog ang duha ka sakay kag sila ang naigu sa concrete pipes sa kilid sang dalan nga gin tunaan sang ila kamatayon.

Samtang, 9 naman tanan ang pilason sa pag bunguanay sang duha ka pickup sa dalan Rizal Lacson sang kahapon sang kaagahon.

Suno kay Major Ramel Sarona, hepe sang Police Station 1, mismo sa tunga sang dalan nabungguan sang DMax nga nagadalagan sa north to south nga direction ang isa ka pickup nga nagadalagan naman sa west to east nga direction.

Pareho nga pilason ang driver sang DMax kag ang walo ka sakay sang iya nabungguan nga pickup.

Leave a Reply

Your email address will not be published. Required fields are marked *

Secured By miniOrangeSecured By miniOrange