Shadow

Bioethanol plant sa siudad sang San Carlos temporaryo nga ginpasira

San Carlos PIO photo

Biernes sang hapon sang temporaryo nag untat ang San Carlos Bioenergy, Inc., sang operation sini.

Sa Facebook page sang San Carlos City, ang siudad ang nagpadala sang sulat sa amo nga kumbuyahan sadtong Pebrero 18.

Suno kay Mayor Renato Gustilo, pila sa mga environmental violation nga na nakit-an amo ang mga insidente sang water discoloration sa baybayon sang Sitio Maloloy-on, Brgy. Punao tuga sang wastewater discharge.

May mga video footage kag report gikan sa City Planning and Development Coordinator’s Office, Bantay Katunggan sang Coastal Resource Management sa idalom sang City Environment Management Office, Eco-Zone Multi partite Monitoring Team kag City Disaster Risk Reduction Management Office ang nalakip sa ebedensya sa amo nga pagsupak.

Gin-abisuhan ni Gustilo ang amo nga kumbuyahan nga temporaryo anay mag untat sang ila nga operation kag hatagan sang kalubaran ang amo nga mga issue.

Kun mapaslawan ang kumbuyahan, ang siudad sang maga-recommend sa Environment Management Bureau sang cease and desist order batuk sa kumpanya.

Suno naman sa kay Engr Arthur Batomalaque ang Senior Environment Management Specialist saang CEMO napatuhoy na nila ang amo nga mga pagsupak sa Pollution Adjudication Board kag namultahan na ang SCBI sa amo nga mga paagsupak.

Natalana ang pagsapol sang mga tiglawas sang SCBI kay Mayor Gustilo subong nga adlaw.

Leave a Reply

Your email address will not be published. Required fields are marked *

Secured By miniOrangeSecured By miniOrange