Balita Hiligaynon

NOCPPO photoNag baton sang kahapon sang cash aid ang 39 ka mga pulis sa Negros Occidental nga damlag pa nag positibo sa Covid-19.Tig sais mil pesos ang gin baton sang mga pulis nga nag-ayo sa Covid-19, gikan sa Police Regional Office-6.Kahapon nagdangat na sa 165 ang total Covid-19 cases sang Negros Occidental Police Provincial Police Office kag 135 diri ang nag ayu na lakip na ang 30 nga nag baton sang bulig pinansyal.May 30 naman karon ka active cases ang NOCPPO.Samtang.. Gin kumprima naman ni Police Major Sherlock Gabana nga wala na sang Covid-19 positive case ang Bacolod City Police Office sa karon.151 ang total cases sang BCPO pero tanan ang nag ayu na suno kay Gabana.

Sumugod Miyerkoles tubtob Biyernes temporaryo nga indi anay pwede tambayan ang Bantayan Park sa siudad sang Bago.Pagsunod ini sa mandu ni Governor Eugenio Jose Lacson angut sa temporaryo nga pagpasira sang mga beach, resorts kag iban pa nga recreational venues kadungan sa pagsaulog sang pista ni San Juan humalin Hunyo beinte tres tubtob beinte.Ini agud man mapaiway ang paglaton sang Covid-19 karon nga nagasaka ang cases sa probinsya.Pati ang city hall sang Bago ang temporaryo man nga ginpasira ni Mayor Nicolas Yulo para sa intensive contact tracing kag disnfection sa amo nga inadlaw.Magluwas sa Bago,may pila man ka resorts,mga tagdumalahan sang commercial establishment kasubong sang mga bar kag coffee shop sa pila ka mga banwa kag siudad sa probinsya ang temporaryo nga maga...

Murcia PNP photoGina pangita pa karon sang kapulisan ang 40 anyos nga si Jimmy Alimania matapos niya gin haboy sang granada ang iya sini hinablos sang Domingo kag nakuha pa ang iya sini improvised nga shotgun.Suno sa hepe sang Murcia PNP nga si Captain Gerald Muya, nag labay lang ang suspek sa gwa sang balay sang iya sini hinablos nga si Mylene Alimania sa Barangay Buenavista sa Murcia.Hinali na lang suno sa pulis nga gin haboy sang suspek sang granada ang iya hinablos nga yara lang man sa gwa sang balay.Nahampak pa suno kay Muya ni Mylene ang granada sa iya tiyo gamit ang stick gani nag palagyo ang suspek kag iya nabilin ang iya shotgun.Wala man nag lupok ang granada suno sa pulis bangud sa may secondary pin pa ini.Dugay na nga naga inaway suno sa pulis ang duha ka...

Police Station 7 photoKaupod pa sang mag utod nga Kisha kag Kervin ang ila iloy sa pagbakal sang ice sa tiangge sa tabok lang sang ila puluy an sa Purok Sambag sa Barangay Alijis kagab-i.Pero sa ila pagtabok balik sa dalan Circumferential gulpi lang nga nadalasa sang tricycle ang mag utod.Suno sa tiyo sang mga tiyo, tuman ka dulom sang lugar matabo ang insidente amo nga wala nila mapat-inan kun ano nga tricycle kag kun sino ang drayber nga nalagylo kag wala man lang nag ulikid sa mga napilasan nga mag utod.Gindala sa ospital ang mag utod. Ang walo ka tuig nga babaye ang nag angkon sang mga pilas sa butkon kag iban pa nga bahin sang lawas. Ang iya naman anum ka tuig nga manghud nga lalaki ang ginkinahanglan nga ma semento ang nabali nga nawala nga tiil. Wala sang ikasarang s...

Utang sang Philippine Insurance Corporation sa Corazon Montelibano Memorial Regional Hospital ang nagalab-ot sa masobra 326 milyones pesos para sa Covid-19 claims kag sa mga RT-PCR ukon reverse polymerase chain reaction test.Suno kay Shareen Junsay-Caelian, chief financial officer sang CLMMRH, wala pa diri nalakip ang 67 milyones pesos nga balayran sang PhilHealth para sa non Covid related claims.May 277.6 million pesos nga sulukton ang ospital sa PhilHealth para sa 640 ka mga pasyente humalin pa sang Pebrero 2020.4.2 milyones pesos pa lamang ang nabayaran sang PhilHealth sa ila.Ginpahayag man sang tagdumalahan sang ospital nga sa pihak sang mga akusasyon nga dako ang benepisyo sang mga ospital kag mga doktor karon nga pandemic, diri sarang na mapat-ud ang kamatuoran b...

Mga resorts kag commercials establishment sa apat ka mga barangay sa Bacolod temporaryo nga magasirado sa pagsaulog sang Pista ni San Juan.Ginmandu ni Bacolod City Mayor Evelio Leonardia ang pag-suspend sang mga selebrasyon, ilabi na ang tradisyunal nga pagbasyahanay sang tubig sa Pista ni San Juan sa sini nga Huwebes.Sa Executive Order no. 32 nga gin-issue sang alkalde, suspended man anay ang mga excursion, picnic kag iban pa nga sahi sang pagtililipon agud mapaiway ang paglaton sang Covid 19.Ang Bacolod City isa sa mga lugar nga ginakabig high risk sang Department of Health tuga man sang pagsaka sang kaso sang Covid 19.Gani temporaryo man nga magapanira ang mga beach resort kag iban pa nga commercial establishment kasubong sang mga bars kag coffee shop nga masami ginakadt...

Capitol photoSa halos siete mil ka Sinovac vaccine nga na deliver sang probinsya sa mga LGU sa sulod sang tatlo ka adlaw sang nagligad nga semana, 81 porsiento sini ang nagamit.Sa report sang Provincial Incident Management Team, 6,830 ka Sinovac vaccine ang nadul-ong kag 5,542 diri ang nagamit, ukon 81.14 percent sa target.Suno kay Dr. Ernell Tumimbang ang provincial health officer, karon nga may pag lain sa sistema sa vaccine roll out sa probinsya mas nagdasig ini.Ang mandato sang Department of Health amo nga dapat sa sulod sang anum ka adlaw humalin sa nabaton ang bakuna dapat ini magamit na. Sa 13,000 nga Sinovac vaccine sa inventory sang Provincial Health Office suno kay Tumimang, 6,120 na lamang ang wala magamit kag ini ang iga-dispose sini nga semana.Suno kay tumi...

San Carlos Bishop Gerardo Alminiza ang nagpositibo sa Covid-19.Sa pahayag nga ginpa gwa sang obispo nga naka post sa Diocesan Social Communications Office-San Carlos, Domingo sang hapon sang nahibaluan niya nga siya ang nagpositibo sa virus kag kinahanglan niya nga mag-isolate kag mag paidalom sa nagakaigo nga pagtatap.Suno kay Alminaza siya ang ginahatagan na sang medical iya kinahanglanon nga attention.Ang vicar general nga si Msgr. Erwin Magnanao ang temporaryo nga magatal-os kay Bishop Alminaza.Nagahinyo naman si Alminaza sang pagpangamuyo para sa iya madasig nga pag-ayo lakip na sa iban pa gid nga mga nagmasakit man sang Covid-19.Suno kay Alminaza labing ginadumdom niya man sa iya nga pangamuyo ang mga frontliner.