Shadow

Steel cover sang manhole sang PLDT sa kilid sang dalan Lacson ginkawat

Sa CCTV footage sang isa ka building sa kilid sang dalan Lacson makita ang ini nga tricycle nga nag pondo kun sa diin napa hamtang ang steel cover sang PLDT pasado las siyete sang kagab-i.

Duha ka tawo ang nakita sa video nga nag karga sang steel cover sa tricycle kag nag palagyo.

Kaina sang udto, may mga trabahador gikan sa contractor sang PLDT nga gilayon gin dispatch sa lugar para takluban ang buho.

Sa higad lang ini sang dalan sa tabok sang Robinsons Place Bacolod. Pero ang lugar alagyan sang tawo kag ang buho kadako nga pwede mahulugan sang tawo kun indi madeparahan ang buho. Suno sa mga nag taklob sa manhole, mabal-an sang gina baligyaan nga iya ini sang pldt kay ang mismo nga steel cover may logo.

Duda nila ginkawat ang salsalon nga cover para ipakilo. Indi man kuno lahog lahog ang kabug-aton sini kay naga lab-ot ini sa shin kilos…

Bisan gani sila ginbudlayan pa sa pagbutang sang bag-o nga taklob kay tuman ka bug-at.

Antes mag udto tigayon nila nga nabutangan sang bag-o nga taklob ang manhole. Sementohon na lang ang palibot sini para indi madali dali kakas.

Gina usisa na sang pnp kun sin-o ang sa likod sang pagpangawat.

Leave a Reply

Your email address will not be published. Required fields are marked *

Secured By miniOrangeSecured By miniOrange