Shadow

PhilHealth may bayalran sa CLMMRH nga P326.6m bilang Covid claims

Utang sang Philippine Insurance Corporation sa Corazon Montelibano Memorial Regional Hospital ang nagalab-ot sa masobra 326 milyones pesos para sa Covid-19 claims kag sa mga RT-PCR ukon reverse polymerase chain reaction test.

Suno kay Shareen Junsay-Caelian, chief financial officer sang CLMMRH, wala pa diri nalakip ang 67 milyones pesos nga balayran sang PhilHealth para sa non Covid related claims.

May 277.6 million pesos nga sulukton ang ospital sa PhilHealth para sa 640 ka mga pasyente humalin pa sang Pebrero 2020.

4.2 milyones pesos pa lamang ang nabayaran sang PhilHealth sa ila.

Ginpahayag man sang tagdumalahan sang ospital nga sa pihak sang mga akusasyon nga dako ang benepisyo sang mga ospital kag mga doktor karon nga pandemic, diri sarang na mapat-ud ang kamatuoran bangud uno punto sinko porsyiento pa lamang sang utang ang nabayaran sang ahensya.

Samtang, nagalab-ot naman sa 33. 52 percent ang positivity rate sa CLMMRH Molecular Laboratory humalin Hunyo katorse tubtob dise otso.

Buot silingon, isa sa tatlo ka mga samples nga gina-test sa laboratory ang positibo sa Covid-19 virus.

Leave a Reply

Your email address will not be published. Required fields are marked *

Secured By miniOrangeSecured By miniOrange