Shadow

Bantayan Park magasirado humalin buwas tubtob sa Biyernes, amo man ang city hall sang Bago

Sumugod Miyerkoles tubtob Biyernes temporaryo nga indi anay pwede tambayan ang Bantayan Park sa siudad sang Bago.

Pagsunod ini sa mandu ni Governor Eugenio Jose Lacson angut sa temporaryo nga pagpasira sang mga beach, resorts kag iban pa nga recreational venues kadungan sa pagsaulog sang pista ni San Juan humalin Hunyo beinte tres tubtob beinte.

Ini agud man mapaiway ang paglaton sang Covid-19 karon nga nagasaka ang cases sa probinsya.

Pati ang city hall sang Bago ang temporaryo man nga ginpasira ni Mayor Nicolas Yulo para sa intensive contact tracing kag disnfection sa amo nga inadlaw.

Magluwas sa Bago,may pila man ka resorts,mga tagdumalahan sang commercial establishment kasubong sang mga bar kag coffee shop sa pila ka mga banwa kag siudad sa probinsya ang temporaryo nga maga panirado sa nasambit nga inadlaw.

Sa Bacolod, ang mga resorts kag iban pa nga commercial establishment sa Barangay Punta Taytay, Pahanocoy, Granada kag Alangilan ang magapatuman man sang temporary closure sa adlaw ni San Juan.

Sandig sa executive order sang alkalde, ginadumilian man ang tradisyunal nga pagbasyahanay sang tubig sa mga pampubliko nga lugar sa natalana nga okasyon.

Secured By miniOrangeSecured By miniOrange