Balita Hiligaynon

La Carlota PNP photoGinkasuhan sang kahapon ang tatlo ka persona nga suspek sa pagpatay sa 30 anyos nga gwardiya nga si Jesson Jabison bangud sang away sa ilimnan sang Sabado sa Barangay La Granja sa siudad sang La Carlota.Kaso nga homicide ang ginpasaka batuk nanday Alexis Roquero, John Rey Ortega kag Remy Valdevieso.At large naman ang isa pa ka suspek.Sa imbestigasyon sang PNP, pareho nga nagainom sa ilimnan sanday Jabison kag tatlo pa niya ka upod kag ang grupo sang mga suspek.Nag sinuyaay suno sa pulis ang duha ka grupo kag nag pauli na ang mga upod sang gwardiya kag siya na lang ang nabilin rason kun ngaa siya ang gin buno buno sang mga suspek.

Mahimo nga sa masunod nga semana, last week na sang klase sa school year 2020-2021.Suno kay Ian Arnold Arnaez ang PIO sang DepEd Negros Occidental natalana ang graduation kag moving up exercises sa July 12-16, gani ginalauman nga ang semana antes sini amo na ang katapusan sang klase.Suno kay Arnaez sini na nga semana ginapaabot ang ulihi nga releasing sang modules. Pero sa mga indi maga graduate pa, tubtob nga kun san-o mahuman sang kabataan ang ila nga module ini sa gihapon ang batunon sang eskwelahan.Paathag ni Arnaez, may mga eswelahan nga apektado ang distribution sang ila nga module bangud sang Covid situation sa ila nga mga banwa ukon siudad gani may mga delay.Samtang, sarang naman makapatigayon ang eskwelahan sang virtual graduation ukon moving up exercises kun ini a...

Office of the Provincial Agriculturist ang pangayuan sang paathag bahin sa mga 45 milyones pesos nga balor sang proyekto sa idalom sang Department of Agriculture nga wala nahuman sa 23 ka mga site.Suno kay Atty Rayfrando Diaz, provincial administrator, sang Biernes nakabaton ang probinsya sang complaint gikan sa d-a bahin sa nagkalain lain nga proyekto nga humalin pa sang 2014 tubtob 2017 nga wala nagkalahuman. Gin hatagan karon sang probinsya ang OPA kag mga contractor nga dapat matapos ini antes ukon sa pag abot sang Disyembre 31 sini nga tuig.Kun mapaslawan, sa request sang DA ma cancel ang kontrata kag igabalik sang probinsya ang pondo.Iga-black list man ang mga contractor sang mga proyekto nga wala nagkalahuman.Suno kay Diaz, pangayuan sang paathag ang OPA kag natalana nga...

Bacolod PIO photoPolitical party ginapaabot maga-nominate sang mangin katapo sang konseho sang Bacolod nga magatal-us sa nagtaliwan nga si Councilor Elmer Sy.Nagapabilin nga naka half mast ang hayahay sa Bacolod City Gvernment Center grounds sa pagtaliwan ni Councilor Elmer Sy tuga man sang Covid-19 sang nagligad nga Biyernes.Suno kay Vice Mayor El Cid Familiaran ang partido ni Sy amo ang natalana maga-nominate sang sarang magtal-us sa iya sa Sangguniang Panlungsod.Si sy ang katapo sang PDP-Laban ukon Partido Demokratiko Pilipino–Lakas ng Bayan.Sa Miyerkoles isa man ka necrological service ang natalana pagkatapos sang session sang SP bilang pagpasidungog sa katapo sang konseho.Para kay Familiaran bugal nga iya nakaupod ang konsehal nga nakilala man sa iya campaign ...

Nagasaka panaog ang active cases sang Negros Occidental.146 ang new Covid-19 cases sini.Ini sandig sa June 27 nga report sang Provincial Incident Management Team, may 16 ka recoveries kag isa ang patay bangud sang Covid-19.1,942 sa karon ang active cases sang Negros Occidental. Suno kay Provincial Administrator Rayfrando Diaz kun nagasaka pana-og man ini bangud nga indi maid-id nga pagsunod sa health protocol sang mg pumuluyo kag may mga naga sige lagaw. Ang masubo suno kay Diaz nakabaton siya sang impormasyon nga pinamilya na ang latnanay.Kuntani indi magpabaya, limitahan ang pag gwa kag ang pagpakigkita sa iban.

Archie Alipalo photoGinpatigayon ang pasalamat kay PNoy sa san Sebastian Cathedral Sabado sang aga. Nag halad sang mga bulak ang masobra isa ka gatus ka mga pumuluyo nga nag tambong sa misa.Ang mga nag tambong ang nag siling nga luyag nila pasalamatan ang tanan nga mga binuhatan sang anay presidente antes ini ginlubong.Napatay si PNoy sa edad nga 61 Biyernes sang aga bangud sang renal disease secondary to diabetes.

Ginsugdan na ang pagbakuna sang Pfizer sa duha ka mga venue sa probinsya.Sa Negros Residences nagpila para sa ila nga pagpabakuna ang halos 450 ka mga pumuluyo sang Talisay kag 200 gikan sa Silay.May gikan man sa Hinigaran. Sa Teresita Lopez Jalandoni Provincial Hospital naman 340 ka mga pumuluyo sang Silay ang nakalista.Sa masunod nga mga inadlaw naka schedule na ang pagbakuna sang mga pumuluyo gikan sa nagkalain lain nga LGU magluwas na lamang sa Biyernes nga para sa mga empleyado sang kapitolyo probinsyal sa idalom sang Barangay Kapitolyo vaccination program.Natungod nga dululungan ang pag dala sang mga pumulyo sang LGU sa venue kag may mga temprano pa nga nag abot sang sa na-schedule nga vaccination, ang pila ang naglab-ot sagwa sang Negros Residences suno kay Dr. Ernel...

Bacolod PIO photoMga negosyante upod sa mga local leaders kabahin sa mga naga ayo nga malakip sa mga mabakunahan sang Covid-19 vaccine.Ang Bacolod City isa sa mga top performing local government unit sa bahin sang Covid-19 vaccination.Sini lang nga Sabado isa ka dugang nga vaccination center sa Robinson's Mall sa Barangay Mandalagan ang ginbuksan para sa mga luyag magpabakuna nga yara sa A1 tubtob A3 category, kabahin diri mga medical frontliner,mga senior citizen kag may co-morbidity.Luyag man kuntani sang mga negosyante kabahin diri mga katapo sang Metro Bacolod Chamber of Commerce and Industry nga makapabakuna na.Suno kay Vice Mayor El Cid Familiaran,pamuno sang Bacolod City Inter Agency Task Force, kasubong sang pila pa ka mga other frontliners nga nalakip sa A4 cat...

Victorias PNP photoPatay kaina sang aga ang 61 anyos nga si Danilo Torenya nga number 1 drug personality sa Victorias City matapos gin tiro sa Canetown Subdivision sa Barangay 19-A sa Victorias City.Suno kay Police Lt Col Eduardo Corpuz, hepe sang Victorias PNP, naga sakay lang sa iya nga motor si Torenya sang siya ang tiruhon sang tiding in tandem nga naga sunod sa iya.Dead on the spot si Torenya.Isa sa gina tan-aw karon nga motibo sang PNP sa pagpatay kay Torenya amo ang iya nga transaksyon sa iligal nga droga.

Mark Cabrillos photoAng rescue team sang Valladolid amo ang isa sa una nga nag responde kaina sang aga matapos magluntad ang multiple collision sa kilid sang highway sa banwa.Suno kay Mark Cabrillos sang rescue team, naga biyahe padulong Bacolod ang pickup sang iya mabungguan ang tricycle kag minivan nga kargado sang itlog nga nagaparking lang sa kilid sang dalan.Ila man naigu ang isa ka motor kag bisekleta antes ini nag rekta sa isa ka kalan-an sa kilid sang dalan.Pilason suno kay Cabrillos ang duha ka nagabantay sa kalan-an kag naigu man ang driver sang motor kag minivan nga makaon man lang kun tani.Minor injuries lang man ang ila naagum suno kay Cabrillos pero natam-an lang suno sa iya amo ang driver sang minivan.Yara naman ang driver sang pickup sa Valladolod PN...