Shadow

Last week na lang sang klase sa madason nga semana

Mahimo nga sa masunod nga semana, last week na sang klase sa school year 2020-2021.

Suno kay Ian Arnold Arnaez ang PIO sang DepEd Negros Occidental natalana ang graduation kag moving up exercises sa July 12-16, gani ginalauman nga ang semana antes sini amo na ang katapusan sang klase.

Suno kay Arnaez sini na nga semana ginapaabot ang ulihi nga releasing sang modules. Pero sa mga indi maga graduate pa, tubtob nga kun san-o mahuman sang kabataan ang ila nga module ini sa gihapon ang batunon sang eskwelahan.

Paathag ni Arnaez, may mga eswelahan nga apektado ang distribution sang ila nga module bangud sang Covid situation sa ila nga mga banwa ukon siudad gani may mga delay.

Samtang, sarang naman makapatigayon ang eskwelahan sang virtual graduation ukon moving up exercises kun ini ang masarangan man lamang depende sa kapasidad bahin sa connectivity.

Gina discourage naman ang mga pictorial ilabi na ang sa mga souvenir program ukon yearbook agudto malikawan ang face to face sang mga kabataan.

Samtang wala pa napat-od ang pagbukas sang klase, sa idalom sang laye ini ang dapat last monday of august pero kay may mga naga siling nga wala lang man dugay nagtakop ang klase mahimo nga ini sa una ukon ika duha nga semana sang Setyembre.

“Sigurado unahon ang gid mga graduating. Ang mga undergrads or ang indi pa mag complete, indi pa mag-graduate hatagan man sa gihapon chance sa pag submit tungod indi ta ma pressure ang mga kabataan because tungod sang crisis naton sa Covid indi palarehas ang dalagan sang mga module sa tanan nga LGU. May mga LGU na nagsuspend two weeks, ang iban naman ya one week, so meaning to say lagson na nila,” suno kay Arnaez.

Leave a Reply

Your email address will not be published. Required fields are marked *

Secured By miniOrangeSecured By miniOrange