Ang United Sugar Producers Federation, Sugar Regulatory Administration kag si Governor Eugenio Jose Lacson ang magasapol sa Martes sa pagtalakay sang pag panghalit sang peste sa katubuhan.
Ini kasunod sang pag pang atake sang red striped soft scale insect ukon RSSI nga nag apekto sa masobra na 4,800 ka ektariya sang katubuhan base sa June 11 nga report sang SRA.
Ginsiling ni Manuel Lamata ang Presidente sang UNIFED nga sila ang maga pungko upod kay Governor Lacson, sa Sangguniang Panlalawigan kag sa SRA para talakayon ang pag lapta sang RSSI.
Iya ginsiling nga ang report maka alarma kag naga doble sa kada semana rason nga naga kabalaka ang mga sugarcane planters labi na gid ang mga magagmay nga mangunguma.
Sa report sang SRA naka saad nga ang RSSI infestation yara na sa accelerated phase sa Visayas.
Sang Biyernes nag panawagan na si 5th District Rep Emilio Bernardino “Dino” Yulo sang gilayon nga pag porma sang provincial task force para sa RSSI para mapamatukan ang pag lapta pa gid sini.
Luyag man sang kongresista ang pag patigayon sang assessment para sa deklarasyon sang State of Calamity.
[sibwp_form id=1]