Shadow

OPA ginpangayuan sang paathag sa mga wala mahuman nga mga proyekto sang Department of Agriculture

Office of the Provincial Agriculturist ang pangayuan sang paathag bahin sa mga 45 milyones pesos nga balor sang proyekto sa idalom sang Department of Agriculture nga wala nahuman sa 23 ka mga site.

Suno kay Atty Rayfrando Diaz, provincial administrator, sang Biernes nakabaton ang probinsya sang complaint gikan sa d-a bahin sa nagkalain lain nga proyekto nga humalin pa sang 2014 tubtob 2017 nga wala nagkalahuman. Gin hatagan karon sang probinsya ang OPA kag mga contractor nga dapat matapos ini antes ukon sa pag abot sang Disyembre 31 sini nga tuig.

Kun mapaslawan, sa request sang DA ma cancel ang kontrata kag igabalik sang probinsya ang pondo.
Iga-black list man ang mga contractor sang mga proyekto nga wala nagkalahuman.

Suno kay Diaz, pangayuan sang paathag ang OPA kag natalana nga magpagwa ang probinsya sang show cause order kay Provincial Agriculturist Atty Japhet Masculino angut diri. Suno kay Masculino sa iya nga bahin hulaton niya anay ang show cause order.

Si Masculino ang tubtob na lamang sa Hunyo 30 bangud siya ang maga retiro.

Damlag pa siya ang ginpapanaugan man sang show cause order angut sa isa ka milyon ka pesos nga wala mabayaran sa caterer kasubong man sa wala nagsanto nga grain dryer sa mga specification sini.

Sa karon wala pa man sang may ginhingadlan nga mangin OIC sang OPA.

Secured By miniOrangeSecured By miniOrange