Shadow

4 ang pilason sa karambola sang mga salakyan sa Valladolid

Mark Cabrillos photo

Ang rescue team sang Valladolid amo ang isa sa una nga nag responde kaina sang aga matapos magluntad ang multiple collision sa kilid sang highway sa banwa.

Suno kay Mark Cabrillos sang rescue team, naga biyahe padulong Bacolod ang pickup sang iya mabungguan ang tricycle kag minivan nga kargado sang itlog nga nagaparking lang sa kilid sang dalan.

Ila man naigu ang isa ka motor kag bisekleta antes ini nag rekta sa isa ka kalan-an sa kilid sang dalan.

Pilason suno kay Cabrillos ang duha ka nagabantay sa kalan-an kag naigu man ang driver sang motor kag minivan nga makaon man lang kun tani.

Minor injuries lang man ang ila naagum suno kay Cabrillos pero natam-an lang suno sa iya amo ang driver sang minivan.

Yara naman ang driver sang pickup sa Valladolod PNP nga posible suno sa iya napiyungan samtang naga drive.

Leave a Reply

Your email address will not be published. Required fields are marked *

Secured By miniOrangeSecured By miniOrange