Balita Hiligaynon

NOCPPO photoLiwat nga nag baton sang bulig pinansyal gikan sa national headquarters ang 36 pa ka mga pulis nga damlag nag positibo sa Covid-19 kag karon nag ayu na.Sila ang kabahin sa masobra 140 ka mga pulis nga nag ayu na sa Covid-19.Sang nagligad nga semana, 39 man ka pulis ang nag baton sang tag sais mil pesos nga cash aid gikan sa PRO-6.Ginpahayag man ni Police Lieutenant Abegael Donasco, spokesperson sang NOCPPO, nga ang pamilya sang pulis sa Sipalay City nga napatay sa Covid-19 ang maka batun man sang bulig pinansyal gikan sa PNP.Sa karon, may 34 ka active cases ang NOCPPO kag tanan ang naka isolate naman sa karon.

Ginhingadlan ang supervising agriculturist nga si Dina Genzola nga mangin OIC sang Office of the Provincial Agriculturist karon nga maga retiro na sa serbisyo ang pamuno sang OPA.Suno kay Negros Occidental Governor Eugenio Jose Lacson, si Genzola ang maga serbe nga OIC samtang gina lantaw sang probinsya ang pagkuha sang isa ka outsider nga maga tal-os kay Atty Japhet Masculino nga maga retiro na bwas nga adlaw.May tatlo ka show cause nga napapanaog kay Masculino angut sa pagpanukot sang isa ka caterer sang isa ka milyon ka pesos nga wala mabayaran nga service sini kag ang gina siling pagbakal sang grain dryer nga under specification. Kahapon lamang niya nabaton ang angut sa mga wala nahuman nga mga proyekto sa idalom sang Department of Agriculture. Suno kay Masculino sabton niya in...

May dies porsyiento na ukon masobra na sa 58 mil ang nakapabakuna sang Covid-19 vaccine sa nagapadayon nga mass vaccination sang siudad sang Bacolod.Ini bisan nagapabilin nga madiutay lang ang naga-inabot nga vaccine allocation nga gikan sa national government.Suno kay Dr. Edwin Miraflor, officer in charge sang Bacolod City Health Office, madasig ang vaccination roll out sang siudad karon nga may dugang nga vaccination center sa mall kag naga-sige man ang mass vaccination sa mga kabarangayan.Ginalauman lang ni Miraflor upod sa pamunuan sang Bacolod Emergency Operation Center nga kuntani madugangan ang Covid-19 vaccine allocation nga naga-gikan sa national government kag matigayon ang pag-abot sang gin-advance purhase nga supply sang bakuna sa Hulyo.Ginsiling man ni Miraflor...

Nag record na sang una nga Covid-19 fatality ang Negros Occidental Police Provincial Office matapos mapatay sang Sabado ang isa pulis sa probinsya bangud sang Covid-19.Ini ang ginkumpirma ni police Lt Abegael Donasco, spokesperson sang NOCPPO.Ang napatay nga pulis amo si Police Staff Sargeant Samson Fabela nga na assign sa Sipalay City PNP.Suno kay Donasco naglain ang pamatyag sang pulis sang Hunyo 18 kag pag kasunod nga adlaw siya ang nagpaidalom sa swab test kag nag positibo sa Covid-19.Matapos ang duha ka adlaw, gin budlayan sa pag ginhawa si Fabela kag sang Sabado, Hunyo 26, napatay ini sa hospital.Wala pa nahibaluan suno kay Donasco kun sa diin nakuha sang pulis ang virus. Nag isolate naman ang iya sini nga mga close contacts nga pulis.Sa pinaka ulihi nga datos...

Plano nga redistricting sang siudad sang Bacolod wala na sang higayon nga madayon sa 2022.Indi na matuman ang ginadihon nga 1st kag 2nd congressional district sang Bacolod bangud para kay Bacolod City Councilor Al Espino wala na sang nagakaigo nga panahon karon nga nagahilapit na ang election.Ang House Bill no 566 kag 537 nga nagadihon sa pang pagtukod sang ika duha nga distrito sa Bacolod ang lunsay ginfile nanday Congressman Greg Gasataya kag Abang Lingkod partylist Representative Stephen Paduano. Ini karon ang nagapabilin nga pending sa Kongreso.Para kay Espino dako kuntani nga bulig sa ekonomiya ang pagtukod sang duha ka distrito sa Bacolod bangud ini magakasayuran snag dugang nga income sa tion nga mapatuman ang ginapaabot ang pagbuhin sang 300 milyones pesos sa internal r...

Mga pulis sa Moises Padilla nga gindagdagan sang dismissal sang NAPOLCOM, padayon pa nga naga duty.Ginpahayag ni NOCPPO spokesperson Lieutenant Abegael Donasco nga tubtob sa karon, padayon nga naga duty ang mga pulis nga ginpapanaugan sang dismissal order sang National Police Commission may angut sa ila pag aresto sadto sa kay Mayor Ella Yulo kag iya mister nga Felix sang bise alkalde pa lang anay si Yulo sang Disyembre 2017.Ini magluwas na lang sa anay hepe sang Moises Padilla nga si Major Allan Reloj nga nag retiro na.Suno kay Donasco padayon nga naga duty ang lima ka pulis samtang ginahulat pa sang NOCPPO sa karon ang order gikan sa national headquarters.Base sa ginpapanaug nga order sang NAPOLCOM ang ila nga pag aresto sa mag asawa nga Ella ang politically motivated....

La Carlota PNP photoGinkasuhan sang kahapon ang tatlo ka persona nga suspek sa pagpatay sa 30 anyos nga gwardiya nga si Jesson Jabison bangud sang away sa ilimnan sang Sabado sa Barangay La Granja sa siudad sang La Carlota.Kaso nga homicide ang ginpasaka batuk nanday Alexis Roquero, John Rey Ortega kag Remy Valdevieso.At large naman ang isa pa ka suspek.Sa imbestigasyon sang PNP, pareho nga nagainom sa ilimnan sanday Jabison kag tatlo pa niya ka upod kag ang grupo sang mga suspek.Nag sinuyaay suno sa pulis ang duha ka grupo kag nag pauli na ang mga upod sang gwardiya kag siya na lang ang nabilin rason kun ngaa siya ang gin buno buno sang mga suspek.

Mahimo nga sa masunod nga semana, last week na sang klase sa school year 2020-2021.Suno kay Ian Arnold Arnaez ang PIO sang DepEd Negros Occidental natalana ang graduation kag moving up exercises sa July 12-16, gani ginalauman nga ang semana antes sini amo na ang katapusan sang klase.Suno kay Arnaez sini na nga semana ginapaabot ang ulihi nga releasing sang modules. Pero sa mga indi maga graduate pa, tubtob nga kun san-o mahuman sang kabataan ang ila nga module ini sa gihapon ang batunon sang eskwelahan.Paathag ni Arnaez, may mga eswelahan nga apektado ang distribution sang ila nga module bangud sang Covid situation sa ila nga mga banwa ukon siudad gani may mga delay.Samtang, sarang naman makapatigayon ang eskwelahan sang virtual graduation ukon moving up exercises kun ini a...

Office of the Provincial Agriculturist ang pangayuan sang paathag bahin sa mga 45 milyones pesos nga balor sang proyekto sa idalom sang Department of Agriculture nga wala nahuman sa 23 ka mga site.Suno kay Atty Rayfrando Diaz, provincial administrator, sang Biernes nakabaton ang probinsya sang complaint gikan sa d-a bahin sa nagkalain lain nga proyekto nga humalin pa sang 2014 tubtob 2017 nga wala nagkalahuman. Gin hatagan karon sang probinsya ang OPA kag mga contractor nga dapat matapos ini antes ukon sa pag abot sang Disyembre 31 sini nga tuig.Kun mapaslawan, sa request sang DA ma cancel ang kontrata kag igabalik sang probinsya ang pondo.Iga-black list man ang mga contractor sang mga proyekto nga wala nagkalahuman.Suno kay Diaz, pangayuan sang paathag ang OPA kag natalana nga...