Shadow

1,950 ka mga vials sang Pfizer nga bakuna para sa Negros Occidental nag abot na

CAAP-Bacolod photo

1,950 ka vial sang Pfizer vaccine ang nag-abot sa probinsya kaina sang aga.

11,700 ka dose ini ukon tig anum ka dose sa isa ka vial. Ini ang una nga batch sang Pfizer vaccine nga nag-abot gikan sa national government.

Suno kay Zeaphard Caelian ang Provincial Incident Mangement Team commander ini ang gindala sa storage facility sang probinsya kag Teresita Lopez Jalandoni Provincial Hospital bangud ini ang nagakinahanglan sang ultra low storage facility.

Sa karon yara sa A1 to A3 categories sa pagbakuna ang Negros Occidental. Suno kay Caelian padayon ang paghaylo sang provincial government sa publiko ilabi na nga nabalaka si Governor Eugenio Jose Lacson sa Covid related deaths sa probinsya.

Sa June 16 nga report sang pimt walo ang Covid related deaths, sa June 15, dose naman.

Ginalauman nga ang bakuna makalikaw sa paglala sang kondisyon sang isa ka nabakunahan nga nalatnan sang Covid 19. Nag sugod na ang tatlo ka adlaw nga massive vaccination kaina kag 13 ka mga banwa kag siudad ang ginpadal-an sang supply santo sa mga naka schedule nga bakunahan. Nag pa gwa na si Govenor Lacson sang memorandum sa mga alkalde tuhoy sa guidelines sa vaccine roll-out nga naga tuyo sa pag padasig sang pagdapat sang bakuna.

“Ang vaccine roll-out ta nag take off kaina alas cinco sang kaagahun. So we are now covering 13 cities ang municipalities sa Negros Occidental, north and south naga vaccinate mismo subong nga adlaw. Kita mismo naga dul-ong sang vaccine didto as per instruction sang aton provincial administrator tutkan ang vaccination. Pag indi nila maubos kuhaon ibalik diri. Because that’s the only way we can ensure nga tanan nga lgus will consume their vaccines kag indi siya bala magdugay,” suno kay Caelian.

Leave a Reply

Your email address will not be published. Required fields are marked *

Secured By miniOrangeSecured By miniOrange