Shadow

Mga salakyan gina inspeksyon kun bala gina sunod ang minimum health protocols

Border control checkpoints liwat nga ginpabaskog para estrikto nga mapatuman ang minimum health standard protocol.

Setyembre pa sang nagligad nga tuig nga ginabantayan sang katapo sang Bago City PNP ang natukod nga border checkpoint sa Barangay Taloc sa siudad sang Bago.

Gani liwat man nila ginpabaskog ang pagbantay agud estrikto nga mapatuman ang mga pagsulundan angut sa minimum health standard protocol.

Nalakip sa ila ginapasiguro nga may suksok nga facemask kag faceshield ang mga sakay aa nagalinabay nga salakyan, ilabi na ang public transport nga naga-gwa sulod sa nasakpan sang siudad.

Hugot man nga ginabantayan sang mga pulis upod sa katapo sang Traffic Management Office ang mga bus, jeep, van kag tricycle para mapasiguro ang physical distancing sa mga pasahero ilabi na karon nga nagasaka ang kaso sang Covid-19 cases sa probinsya.

Kutob sa madakpan nga wala nagatuman sang minimum health standard protocol sa border checkpoint ang sarang isyuhan sang citation ticket sang traffic enforcers sang siudad.

Magluwas sa border checkpoint sa Barangay Taloc sa Bago, kasubong man nga nagabantay ang katapo sang Bacolod City Police Office sa border checkpoint sa Barangay Sum-ag kag Abuanan.

Leave a Reply

Your email address will not be published. Required fields are marked *

Secured By miniOrangeSecured By miniOrange