Balita Hiligaynon

NOCPPO photoNOCPPO nag patuman sang mas hugot nga boundary quarantine control points.Ini kasunod sang pag panaog sang Executive Order 21-30 ni Governor Eugenio Jose Lacson, mas ginhugtan karon sang Negros Occidental Police Provincial Office ang pag patuman sang boundary quarantine control points sa mga borders sang Negros Oriental kag Negros Occidental.Gin paiway anay ang non essential travel sa tunga sang Negros Oriental kag Occidental humalin hunyo 15 tubtob 30 agud ma control ang padayon nga pag saka sang Covid-19 sa pareho nga probinsya gani ang kapulisan amo ang maga seguro nga wala sang may maglapas diri.Magluwas sa mga borders sang Negros Oriental kag Occidental, maga butang man ang NOCPPO sang boundary quarantine control points sa Bago kag Talisay City para naman sa...

Humalin sang Lunes, nagsugod na ang pagpangbakuna para sa Covid 19 sa mga kabarangayan sa Bacolod.Sa Barangay Montevista, madamo sa mga residente nga nakaparehistro kag nalakip sa A1 tubtob A3 category ang nagpadulong sa gym para makahingabot sa supply sang bakuna.Ang clinic staff nga si Pinky Braganza nga nagbaton sang iya nga first dose sang Sinovac, nagduha duha pa sadto nga magpabakuna kay may hypertension.Ginpaiway naman anay sang barangay tanod nga si Larry Garcia ang pagpabakuna bangud on duty siya sang ginpatigayon ang vaccination.Nagapabilin nga ginakulang ang supply sang bakuna sa Bacolod nga naga depende man sa ginapadala sang Deparment of Health.Gani wala man ginatugutan sang pila ka mga barangay ang mga walk-in.Samtang, bangud man sang kakulang sang sup...

NOCPPO photoSubong pa lang, may mga kapulisan na sa probinsya nga naga sugod sa pag libot sa mga beach resort sa ila tagsa ka mga area of responsibility agud magpahandumdom sa mga resort owners nga indi mag bukas sa masunod nga semana Hunyo 23 tubtob 25.Sa Hunyo 24 gina saulog ang Kapistahan ni San Juan kag masami nga naga paligo sa baybay ang mga pumuluyo.Damlag pa nag pa gwa sang executive order si Governor Eugenio Jose Lacson nga isarado ang mga beach sa amo nga adlaw agud malikawan ang pag dugok sang tawo ukon mass gathering.Suno sa nocppo, estrikto ini nga ipatuman sang kapulisan sa probinsya kag sila ang maga libot man sa mga beach resorts sa amo nga mga inadlaw.

EB Magalona PNP photoPatay ang 24 anyos nga si Joey Dela Torre matapos ini tiruhon sang makapila ka beses sang Lunes sang gab-i sa Barangay San Isidro sa EB Magalona.Suno kay Captain Eric Doronilla, hepe sang EB Magalona PNP, papuli na kun tani ang biktima gikan sa pag pangisda sang iya masugata ang grupo sang kalalakin-an nga may upod man nga duha ka babayi nga posible gikan naman sa ilimnan.Posible suno kay Doronilla nga na kursunadahan lang si Dela Torre nga na patay sa pag paniro matapos mag agum sang apat ka gunshot wounds.Padayon pa ang pag kilala sang PNP sa mga suspek.

BCPO photoNagsungka na kahapon sa Police Station 8 ang 20 anyos nga lalaki nga nag hit and run sa 69 anyos nga si Olivia Porceso sa highway sang Barangay Alijis sang Sabado.Ang suspek nga isa ka estudyante amo ang sakay sang Vios nga silver nga naka bunggo sa kay Porceso sa tunga sang dalan nga iya gin kamatay.Suno kay Captain Elmer Bonilla, wala na ma detain ang suspek bangud sa nag lapse na ang iya reglementary period kag may initial settlement naman sa pamilya sang biktima.

Ginalantaw karon sang Central Negros Elective Cooperartive ang pag porma sang consultative body.Ini kasunod sang kapaslawan sa pagpatuman sang memorandum of understanding sa tunga sang kooperatiba kag Power Watch Negros Advocates.Tintutuyo sang amo nga consultative body nga mangin alagyan sa pagtalakay sang mga issue sa mga stakeholders kag sa pagtib-ong sang transparency.Sa press conference kahapon ginsiling ni acting manager kag project supervisor, Atty Dan Pondevellla ang pag porma sang grupo ang ila pa nga ginatalakay sa board kag gina pasiguro nga indi magparehas ang function sini sa board.Tuyo nila nga may mga tiglawas gikan sa mga consumer groups, sa business sector, LGU kag media.Damlag pa, sa pagpakita sang ila nga protesta sa suno sa ila pag-reject sang MOU g...

Masakit man pero para kay Provincial Agriculturist Atty Japhet Masculino, pero pinaka maayo na nga solusyon nga iya nakit-an amo ang iya nga pag-retiro.Sa interview sa katapo sang media, suno sa kay Masculino, iya na nga gin-arrange kay Negros Occidental Governor Eugenio Jose Lacson nga siya ang maga retiro kag tubtob na lamang siya sa Hunyo 30. Iya na lamang bayaran personal ang isa ka milyon ka pesos nga gina sukot sang isa ka caterer sa probinsya sa idalom sang talatapan sang OPA.Paathag ni Masculino nag gamo na kag sang ulihi ang mode of procurement para sa amo nga transaksyon ang nangin sala. Damlag pa ginpapanaugan si Masculino sang show cause order matapos magpanukot ang tag-iya sang amo nga catering service bangud wala mabayaran.62 anyos si Masculino kag iya ginpakamaay...

Ginpalawig sang Land Transportation Office ang validity sang registration sang mga salakyan kag mga lisensya nga maga expire sa tion sang pagpaidalom sa isa ka siudad kag probinsya sa modified enhanced community quarantine.Sa memorandum sang LTO nga naka post sa page sang LTO Region 6, ang validity sang registration sang mga salakyan nga nagatapos sa 6 ang gin extend tubtob August 31, 2021 kag ang nagatapos naman sa 7 ang tubtob sa Setyembre 30, 2021.Ang validity naman sang student-driver’s permit, driver’s licenses kag conductor’s licenses nga maga expire sa gintalana nga quarantine period tubtob sa July 31, 2021 ang iga extend tubtob sa Setyembre 30, 2021. Ang mga medical certificate naman nga nag expire sa amo nga period ang iga extend man tubtob Setyembre 30.Suno kay Atty A...