Shadow

Bacolod EOC may paandam sa laboratoryo kun wala naga copy furnish sang RT PCR test result sa EOC

Mahimo maga pangatubang sang kaso nga pagsupak sang Republic Act 11332 ukon ang Law on Reporting Communicable Diseases ang isa ka laboratoryo nga naga patigayon sang RT PCR test kag wala gina copy furnish ang Bacolod Emergency Operations Center sang resulta sang RT PCR test.

Ini ang suno sa kay EOC deputy for medical and data analysis Dr. Chris Sorongon. Suno sa iya, dapat ang tanan nga mga molecular laboratory nga accredited sang siudad sang Bacolod naga copy furnish sa ila sang resulta sang tanan nga ginahimo sang RT PCR test sa kada adlaw.

Ini matapos nga may nagwa nga mga impormasyon nga may laboratoryo nga naga patigayon sang RT PCR test pero wala gina copy furnish ang EOC sang resulta sang swab test.

Iligal ini suno kay sorongon kag mahimo manabat ang tagdumalahan sang amo nga laboratoryo.

Samtang natalana naman mag pagtigayon sang inspeksyon ang Department of Health sa cold storage facility sang Bacolod para mahibaluan kun bala maka sarang mag store sang pfizer nga brand sang bakuna ang siudad.

May lain nga specifications nga kinahanglan para sa sini nga brand sang bakuna. Suno pa kay sorongon bisan ano nga brand sang bakuna ang sarang na sa karon mabaton sang siudad.

Samtang naga padayon sa gihapon ang pagbakuna sa SM City kag Ayala Malls Capitol Central pati na sa mga barangay.

May 45, 494 na tanan ka mga persona nga nabakunahan sang siyudad.

Padayon man ang pag inabot sang mga donasyon gikan sa pribado nga mga kumpanya sa mga vaccinations sites.

Leave a Reply

Your email address will not be published. Required fields are marked *

Secured By miniOrangeSecured By miniOrange