Balita Hiligaynon

Sa Visayas, ang San Carlos City kag Iloilo City ang nalakip sa 18 ka mga local government unit nga gin report sang OCTA sandig sa ginpatigayon sini nga research nga makabig high risk areas.Nangin basehan ang bag-o nga mga kaso sang COVID-19 nga gina report sa lugar, ang attack rate sini kag hospital occupancy.Gina recommend man sang grupo nga ang ini nga high-risk areas dapat mas magpabaskog sang ila nga testing, tracing kag isolation.Suno kay Mayor Renato Gustilo nga nag abi abi man sang amo report nga mahimo nga indi updated ang datus nga nangin basehan sang grupo.Duno sa alkalde madamo na sa mga nag positibo nga gina kabig nag graduate ukon naka gwa na sa healing facility sang siudad. Ang mga symptomatic naman ang na admit sa mga ospital ayhan sa Bacolod ukon Cebu.“E...

Nangin maulanon man sang Domingo sa banwa sang La Castellana pero wala ginpalampuwas sang grupo ni Tonton Abao ang maka ganar.200 pesos ang ila sukot sa pagpaninlo sa mga lulubrngan sa patyo sang banwa . Depende naman sa kadakuon kag kadamuon sang pintahan nga mga pantyon ang suktanay.Nag amat-amat naman padulong sa patyo ang pila ka mga pumuluyo para temprano pa maka duaw sa ila nga mga minatay. Pila sa mga pantyon may mga nabilin na nga bulak kag may naka sindi na nga kandila.Sa mga indi na matultulan nga pantyon sa kumon na nagsindi, kasubong kay Regie Jison.“Ang iban niyo nga himata waay niyo na nakita ang lulubngan?) waay na.kay siling nila masira na kuno manindi na kami," suno kay Jison.Kasubong man ang sitwasyon sa Bago New Public Cemetery.May mga nagbisita n...

Ginsarado sumugod subong nga adlaw tubtob sa Biyernes ang Guihulngan City Hall sa Negros Oriental matapos mag positibo sa COVID-19 ang tatlo ka empleyado sang siudad.Sa ginpagwa nga public advisory ni Mayor Carlo Jorge Joan Reyes, iya ginpahayag nga ila ipaidalom sa mass testing ang mga apektado nga opisina agud indi na maglapta pa ang virus.Temporaryo nga maga work from home lang ang mga empleyado sang siudad magluwas nalang sang mga personnel sang Health Services office, DRRM office, General, Social, Agriculture kag Postal Services office.Sa masunod nga Martes na suno sa alkalde maga balik sa normal ang operation sa city hall magluwas na lang sa mga nag positibo sa COVID-19.

Bangud wala pa man sang pasyente nga taga Toboso nga ma admit sa Corazon Locsin Montelibano Memorial Regional Hospital, gina tun-an ni Mayor Richard Jaojoco ang posibilidad nga patiniron sa iya gin rentahan nga lugar bisan indi residente sang Toboso nga may pasyente sa CLMMRH.Isa ka pre school building sa may 6th Street sa Bacolod ang iya ginrentahan kun sa diin ang mga kwarto ang may mga double deck nga katre mag may separado nga banyo ang mga lalaki kag babaye.Wala ginatugtan sa karon ang watchers sa sulod sang CLMMRH bangud may mga kaso na nga ang watchers nalatnan sang COVID-19.Pati pagkaon sang mga magatulog sa gin rentahan niya nga lugar, si Jaojoco man ang maga hatag.Ini tanan gikan sa iya personal nga kwarta.

CIDG-Bacolod photoGin aresto sang mga katapo sang Criminal Investigation and Detection Group - Bacolod kahapon sa banwa sang La Castellana ang duha ka mga lalaki nga gina alegar miyembro sang Tonggo Group nga imbolbado sa mga gunrunning activities sa Bacolod kag sa Negros Occidental.Una nga gin aresto ang 46 anyos nga si Jovel Sumugat sa entrapment kag buybust operation may angut sa mga illegally possessed firearms.Si Sumugat nga nagpakilala pa nga intelligence officer sang Negros Island Region Anti-Crime Group, kag pila pa gid ka mga grupo.Nakuhaan siya sang kapulisan sang isa ka KG-9 calibre 9mm, duha ka magazine sini kag lima ka mga bala, pati na silencer para sa KG-9.Sunod naman nga gin aresto ang iya upod nga si Renon Taclobos nga nakuhaan naman sang isa ka submach...

Nag amat amat naman gid damo ang naga binakal sang bulak karon nga duha na lang ka adlaw ang nabilin kag temporaryo na nga sirad-an ang mga patyo.Suno kay Nene Alibutdan mga tatlo ka adlaw na nga nangin maayo ang baligyaanay sang bulak.200 pesos ang round kag flat spray nga floral arrangement, 500 pesos naman ang one sided. Suno kay Nene kun luyag sang customer nga mas damo pa gid ang bulak pwede sa gihapon ini, may dugang lang sa balayran.“Sa subong nami naman ang baklanay kay damo naman ang customer nga nagakadto. Nagapili man lang sila sang ila nga magustuhan. Nag mahal ang bulak subong. Halin sa puno nga daan mahal na siya. Diri sa amon amo man na,” suno kay Alibutdan.Sa Burgos Public Market masako na ang galingan.Madamo na ang naga pagaling sang pilit para sa natal...

Base sa 5AM nga severe weather bulletin sang PAGASA, magadala sang madamul nga pag-ulan ang bagyo kag ang tail-end of the cold front madamo nga bahin sang Luzon kag Visayas.Ang bagyo ang nag-landfall sa Pola, Oriental Mindoro alas tres ymedia kaina sang aga kag nagapadulong sa Northwest nga direksyon nga may kadasigon nga 25 km/h.Ini ang may dala nga maximum sustained winds ngga 125 km/h malapit sa sentro kag may pagmadlos nga tubtub sa 180 km/h.Ginapaabot si Quinta nga magwa sa Philippine Area of Responsibility bwas aga.Nagapaandam ang PAGASA sa publiko ilabi na sa mga lugar nga napaidalum sa Tropical Cyclone Wind Signal nga mag-atligmat sa mahimo pagluntad sang flash flood, landslide kag mabaskug nga hangin ilabi na sa kadagatan.TCWS #3(121-170 km/h winds prevailing) ...

Ginpapanaugan sang korte sang temporary restraining order ang pagpatuman sang joint venture agreement sang Bacolod City Water District kag PrimeWater Infrastructure Corporation bangud sang reklamo nga disbentaha ini sa konsumedor kag may iregularidad sa transaksyon.Bente ka adlaw nga TRO ang ginpapanaug ni Regional Trial Court Branch 45 Judge Phoebe Gargantiel-Balbin para ipaiway anay ang pagpatuman sang joint venture agreement nga ginlagdaan sang BACIWA kag PrimeWater.Ini ang ginmando sang korte sa gin-file nga complaint with declaratory relief and declaration of nullity ni Bacolod Councilor Wilson Gamboa Jr. kag pila ka mga konsumedor nga may pangabay sang preliminary injunction kag TRO sa korte.Gina-alegar sang grupo ni Gamboa nga wala nag-agi sa nagakaigo nga proseso ang pa...

Sa Oktubre 31 kag Nobyembre 2, wala sang opisina ang talatapan sang Commission on Elections bangud sang All Souls’ Day kag All Saints’ Day.Gina abisuhan ang mga nagaplano nga magpadulong sa talatapan sang COMELEC nga ipaiway anay ang pagpadulong sa talatapan bangud nga sirado. Sa Martes na liwat nga maga bukas ang COMELEC.Suno kay City Elections Officer Atty. Kathrina Trinio-Cana padayon ang voter’s registration pero apektado man ini sang pandemic.Sadto naga average sa isa ka gatos ang naga padulong sa COMELEC para sa registration pero karon yara na lamang sa mga kwarenta ang nagapadulong sa talatapan.Samtang, nakabaton naman sang memorandum ang COMELEC nga sumugod sa Nobyembre, Lunes tubtob Hwebes na maga bukas ang COMELEC kag kada Biyernes naman magapatigaton sang disinfe...

Sumugod subong nga adlaw kinahanglan na ang isa ka persona nga magpa-register sa BaCTrac system sang Bacolod City bilang requirement sa pag-issue sang medical certificate sa iya sang City Health Office.Ini ang bag-o nga pagsulundan nga ginpatuman sang Bacolod Emergency Operations Center para mangin mahapos ang pag contact trace sa isa ka persona sa ti-on nga magpositibo siya sa COVID-19.Ang medical certificate ang isa sa mga requirements sa pagkuha sang Travel Authority agud nga makapadulong sa iban nga mga lugar ang mga gikan sa Bacolod.Wala na sa karon nagapangayo sang chest x-ray ang CHO para mag-issue sang medical certificate bangud suno sa kay OIC City Health Officer Dr. Edwin Miraflor Jr. indi ini maka-detect sang virus.Magluwas sa BaCTrac registration, magapaidalum n...