Shadow

Duha ka miyembro sang Tonggo gunrunning group sa Negros, arestado sa entrapment operation

CIDG-Bacolod photo

Gin aresto sang mga katapo sang Criminal Investigation and Detection Group – Bacolod kahapon sa banwa sang La Castellana ang duha ka mga lalaki nga gina alegar miyembro sang Tonggo Group nga imbolbado sa mga gunrunning activities sa Bacolod kag sa Negros Occidental.

Una nga gin aresto ang 46 anyos nga si Jovel Sumugat sa entrapment kag buybust operation may angut sa mga illegally possessed firearms.

Si Sumugat nga nagpakilala pa nga intelligence officer sang Negros Island Region Anti-Crime Group, kag pila pa gid ka mga grupo.

Nakuhaan siya sang kapulisan sang isa ka KG-9 calibre 9mm, duha ka magazine sini kag lima ka mga bala, pati na silencer para sa KG-9.

Sunod naman nga gin aresto ang iya upod nga si Renon Taclobos nga nakuhaan naman sang isa ka submachine gun pistol.

Pareho nga wala sang dokumento ang duha suno sa pulis para mag angkon ukon magbaligya sang armas.

Kaso nga paglapas sa RA 10591 ang ipasaka sang CIDG batuk sa duha ka mga gindakop.

Leave a Reply

Your email address will not be published. Required fields are marked *

Secured By miniOrangeSecured By miniOrange