Shadow

Siudad sang San Carlos ang isa sa mga LGU nga na classify nga high-risk base sa gina report nga new cases sang COVID-19, attack rate kag hospital occupancy

Sa Visayas, ang San Carlos City kag Iloilo City ang nalakip sa 18 ka mga local government unit nga gin report sang OCTA sandig sa ginpatigayon sini nga research nga makabig high risk areas.

Nangin basehan ang bag-o nga mga kaso sang COVID-19 nga gina report sa lugar, ang attack rate sini kag hospital occupancy.

Gina recommend man sang grupo nga ang ini nga high-risk areas dapat mas magpabaskog sang ila nga testing, tracing kag isolation.

Suno kay Mayor Renato Gustilo nga nag abi abi man sang amo report nga mahimo nga indi updated ang datus nga nangin basehan sang grupo.

Duno sa alkalde madamo na sa mga nag positibo nga gina kabig nag graduate ukon naka gwa na sa healing facility sang siudad. Ang mga symptomatic naman ang na admit sa mga ospital ayhan sa Bacolod ukon Cebu.

“Everytime nga may positive gina report ta ni sila sa DOH. Siguro dira sila ga kuha information sa DOH amo na nga nasulod ta. Pero ang question updated ba sila o indi. Damo kita positive, pero asymptomatic,” suno kay Gustilo.

Nagapabilin suno kay gustio ang mga measures sang siudad para mapamatukan ang paglapta sang virus. Isa na diri ang pagpatuman sang travel restriction sa siudad.

Ginsiling naman ni Atty Rayfrando Diaz II, ang provincial administrator, nga sa datus sang probinsya may pagsaka sa kadamuon sang kaso sang COVID-19 sa San Carlos, Kabankalan kag Cadiz.

Suno kay Diaz may isa ka nagpositbo sa virus sa relocation site sa Kabankalan nga nakatambong sa haya. Ang sa cadiz naman may mga personnel sang City Health Office nga nagpositibo sa virus kag ang sa San Carlos may puerto sa siudad kun sa diin naga dungka ang mga barko gikan Cebu.

Pero sa kabilugan suno kay Diaz naga panaog ang kaso sang COVID-19 sa probinsya.

“The trend is still going down. Ang aton nga lgus we would like to commend. Mayo ang ila performance gyapon. Despite the fact nga may iban ta nga LGUs nga naga kaigo sa damo sa ila nga residente, ang response time natun kadasig subong ya,” suno kay Diaz.

As of October 27, 1,225 ang active cases sang probinsya. 3,257, naman ang mga naka recover sandig sa report sang Provincial Health Office.

Leave a Reply

Your email address will not be published. Required fields are marked *

Secured By miniOrangeSecured By miniOrange