Shadow

Sa Bago City, pulis gin-deploy na sa mga patyo; Sa banwa naman sang La Castellana, amat-amat na nga nagsindi sang kandila kag nagbisita sang ila nga mga minatay ang pila ka mga pumuluyo

Nangin maulanon man sang Domingo sa banwa sang La Castellana pero wala ginpalampuwas sang grupo ni Tonton Abao ang maka ganar.

200 pesos ang ila sukot sa pagpaninlo sa mga lulubrngan sa patyo sang banwa . Depende naman sa kadakuon kag kadamuon sang pintahan nga mga pantyon ang suktanay.

Nag amat-amat naman padulong sa patyo ang pila ka mga pumuluyo para temprano pa maka duaw sa ila nga mga minatay. Pila sa mga pantyon may mga nabilin na nga bulak kag may naka sindi na nga kandila.

Sa mga indi na matultulan nga pantyon sa kumon na nagsindi, kasubong kay Regie Jison.

“Ang iban niyo nga himata waay niyo na nakita ang lulubngan?) waay na.kay siling nila masira na kuno manindi na kami,” suno kay Jison.

Kasubong man ang sitwasyon sa Bago New Public Cemetery.

May mga nagbisita na kag may yara man nga mismo ang himata na sang mga nagtaliwan ang nag pinta kag limpyo sang ila nga lulubngan kasubong sang pamiya pahilanga.

Sang sabado pa nagsugod ang deployment sang mga pulis sa sementeryo.

Suno kay Major John Joel Batusbatusan ang hepe sang Bago City PNP magluwas sa seguridad sang mga nagapadulong sa patyo ila man ginapasiguro nga masunod ang health protocol. Sa masunod nga inadlaw ila ginalauman nga magdamo ang maga bisita sa minatay.

“To make sure na yung directives will be implemented by the PNP especially Bago City , the health protocol like social distancing and wearing of face mask must be implemented,” suno kay Batusbatusan.

Ginapaabot ang pagsira sang mga patyo sa bilog nga pungsod sumugod Oktubre 29 tubtob Nobyembre 4 sa tinutuyo nga malikawan ang pagdagsa sang tawo kag matapna ang paglapta sang Covid-19.

Leave a Reply

Your email address will not be published. Required fields are marked *

Secured By miniOrangeSecured By miniOrange