Balita Hiligaynon

BCPO file photoYara pa lang sa tunga-tunga sang bulan ang Oktubre pero base sa record sang Bacolod City Police Office, mas madamo na sang kaso sang aksidente sa dalan subong nga bulan kun ikumparar sa nagliligad nga mga binulan.Humalin sang pag sugod sang community quarantine sang Abril tubtob sang Setyembre, 23 lang tanan ang na record sang BCPO nga napilasan ukon napatay bangud sang aksidente sa dalanon. Walo ang napatay kag 15 naman ang napilasan.Pero sa subong nga bulan, humalin Oktubre 1 tubtob 15, siyam na ka mga napilasan kag apat naman ang napatay.Pinakaulihi amo ang aksidente sa Circumferential Road kun sa diin napatay ang tatlo ka mga sakay sang Mustang matapos mag suhot sa nagadalagan man nga truck sang tubo.Paandam sang spokesperson sang BCPO nga si Lt Col. ...

Nagpadala sang sulat si Bacolod Mayor Evelio Leonardia sa kay DOH Secretary Francisco Duque III para hinyuon ang National Inter-Agency Task Force sa pag-downgrade sang quarantine status sang siudad gikan sa General Community Quarantine pakadto sa Modified General Community Quarantine.Ginpahayag ni Leonardia nga may yara sang pagnubo sang mga kaso sang COVID-19 sa siudad sang tinalikdan nga duha ka semana kag dako ang nabulig sa pagtukod sang Bacolod Emergency Operations Center sa pag-manage sa mga kaso kasubong sang contact tracing, hospital admission kag extraction sang mga nagpositibo sa virus.Gindugang pa ni Leonardia nga sa masobra isa ka libo ka mga market vendors nga ginpaidalum sa surveillance testing sang Sabado, 25 lang ang nagpositibo gani nagapakita nga epektibo ang gina...

San Carlos City Interactive photoGinmando ni San Carlos City Mayor Rene Gustilo ang pagpaidalom sa preventive lockdown sang City Hall kag City Health Office.Sa 17 ka mga kumpirmado nga kaso sang COVID-19 subong nga Biyernes, 7 ang government employees. Ang napulo naman mga close contacts sang COVID-19 positive.Ang mga empleyado nga apketado ang naka-isolate samtang ginahulat ang ila nga confirmatory test result.Ang mga talatapan nga napaidalom sa preventive lockdown ang iga decontaminate sang City Disaster Risk Reduction and Management Office.Sa page sang San Carlos City COVID-19 Update, ginpahayag man nga ang mga katapo sang City COVID-19 Incident Management Team ang igapaidalom sa RT-PCR test matapos sila ang ma-expose sa isa ka pasyente nga bag-o nag positibo sa virus.

Sagay LGU photoGin-turn-over sang lokal nga panguluhan sang Sagay ang mga school supplies kag equipment nga naga balor sang P7.5M sa Department of Education - Sagay City Division kadungan sa launching sang Project Lapis kag Papel Year 3 sang nagligad nga Miyerkules.Ang siudad ang nagpain sang P4,012,257 nga balor sang school supplies para sa 11,690 ka mga estudyante sang Sagay nga yara sa kinder tubtob grade three.P3.5-million naman nga balor sang High-Speed Comcolor Printer Machine with Sorting and Stapling Features ang ginhatag.Sa press release sang Sagay City nasaad nga ang P4M budget nag gikan sa General Appropriation Act (GAA) funds samtang ang budget para sa printer ang nag gikan naman sa pondo sang Local School Board.Ang GAA allocation nagalakip man sang donation san...

Ini ang resolusyon nga ginduso ni Bacolod City Councilor Simple Distrito para mabuligan ang mga pumuluyo nga naapektuhan sang COVID-19 pandemic sini nga tuig.Ang resolusyon ang nagahaylo sa Central Negros Electric Cooperative, Bacolod City Water District, PLDT, Globe Telecom, Smart Philippines kag iban pa nga mga utilities sa Bacolod nga i-suspend anay ang ila disconnection sa mga konsumedor nga indi makabayad tubtub sa katapusan sang tuig.Ini bangud sang pagpatuman sang Modified Enhanced Community Quarantine sa siudad sang Setyembre kag mahatagan sang ti-on ang iban nga mga konsumedor nga nawad-an sang trabaho kag palangabuhian para makabawi kag makatipon sang kwarta nga inugbayad.

Talisay PNP photoArestado ang 37 anyos nga si Antonio Dela Pena Jr., sa buybust operation sang kapulisan sa Prk. Poinsetia, Brgy. Zone 10 sa Talisay City.Ang subject sang buybust nga si Dela Pena ang number 2 sa drugs watchlist sang Talisay PNP kag siya ang isa ka high value individual.Malapit P24,000 nga balor sang iligal nga droga ang nakuha sa iya.Kaso nga pagsupak sa RA 9165 ang ginahanda na batuk sa suspek.

Richard Malihan photoGin-submit na ni Negros Occidental Governor Eugenio Jose Lacson ang 2021 proposed budget sang probinsya sang Negros Occidental sa Sangguniang Panlalawigan para sa review kag approval sini.P4,471,695,065 ang proposed general fund budget.Para naman sa operation sang Economic Enterprise Development Department P128,073,521.37 ang gin-appropirate.P1,641,424,244 ang na-allocate para sa personal services.P1,374,658,871 naman ang para sa Maintenance and Operating Expenses.Ang capital outlay yara naman sa P12,000,000 kag ang special purpose appropriations P1,443,611,950.Ginsiling ni Lacson nga maga gikan ang P4.4B nga general fund sa tax revenues - P 98,000,000, non-tax revenues - P380,357,719 kag Internal Revenue Allotment - P3,993,337,346.P 9.57B naman...

Naka post sa CENECO page ang pagpahibalo nga sa idalom sang Bayanihan to Recover as One Act, ginahatagan sang 30-day grace period ang pagbayad sang electricity bill nga nag due sang tion sang pagpaidalom sa Modified Enhanced Community Quarantine sang Bacolod City sadtong Setyember 8 - 30, 2020.Ang pagbayad mahimo nga ma-extend tubtob sa tatlo ka bulan kun ang electricity bill wala sa gihapon nabayaran.Maga pagwa pa ang Energy Regulatory Commission sang implementing guidelines tuhoy sa amo nga provision sa idalom sang Bayanihan 2 Act.Ang CENECO naman ang padayon nga maga issue sang notice of disconnection kag maga patuman sang regular schedule sang disconnection.Ginahaylo ang mga member-consumer-owners nga magbayad sang ila nga bills on-time ilabi na ang ang wala na cover sa...

May yara na sang executive order si Bacolod Mayor Evelio Leonardia kag Iloilo Mayor Jerry Trenas nga nagapahanugot sa pagbaton sang mga pasahero gikan sa duha ka mga siudad nga lunsay yara sa General Community Quarantine status.Pero tubtub subong wala pa mahibaluan kun san-o magbalik ang commercial trips sang mga fast craft kag roro vessel operators bangud wala pa sang pahanugot gikan sa MARINA.Suno sa fast craft operator nga si Frank Carbon, nagsapol kahapon ang MARINA, Philippine Coast Guard, Philippine Ports Authority kag mga tiglawas gikan sa mga siudad kag probinsya sa Western Visayas pero wala makatambung ang tiglawas gikan sa mga probinsya sang Guimaras, Capiz, Aklan kag Antique.Ginpahayag ni Carbon nga handa na nga magbaton sang mga pasahero gikan sa iban nga lugar ang ...

Cadiz City Port: A beehive of economic activity even at night.Photo by Vench OngGinakalipay ni Mayor Salvador Escalante, Jr. ang liwat nga pagsako sang pag-abot sang mga tankers nga nagakarga sang produkto petrolyo sa Cadiz City Port.Suno sa alkalde ang pagamat-amat damo sang naga inabot nga mga tanker gikan sa Batangas Port nagapakita sang pagbalik sang lokal nga ekonomiya sa tunga sang pag-igo sang pandemya."The economy is getting back on its feet in the island of Negros. But let us not rush things…Let's continue to abide with our local protocols," suno kay Escalante sandig sa iya sini nga Facebook post nga naga lakip sang litrato sang mga tanker nga nagdungka sa city port.Kun iga-average, mga kwatro milyones ka litro sang diesel kag gasolina ang pinakamanubo nga ma diska...