Romeo Subaldo

Ang low pressure area nga gina monitor sang PAGASA ang naka sulod na sa Philipine Area of Responsibility kaina sang aga. As of 10am, ang LPA ang yara na sa 870km east sang southeast sang Mindanao. Sa subong wala pa ini sang direkta nga epekto sa pungsod.  Gina paabot nga bwas, ang LPA ang mangin isa na ka bagyo. Pagatawgon ini nga Aghon.  Naga giho ini pasaka kag yara lang ini sa dagat ukon offshore.  Pero suno sa PAGASA may posibilidad nga magkambyo ang movement sang bagyo.  Pwede ini mag landfall sa Pilipinas kag mag igo sa eastern Visayas kag Bicol Region kag pwede ini mag recurve.Ang trough ukon ang extension sang bagyo ang maga dala sang pag ulan sa pila ka bahin sang Pilipinas.Bwas gina paabot ang posible nga pag-ulan sa mga probinsya sa We...

Isa ka katapo sang New People’s Army ang napatay sa engkwentro nga natabo sa Barangay Camboyobo, banwa sang Calatrava sang kahapon sang hapon.Suno sa report sang Philippine Army, pito ka nabilin nga katapo sang Northern Negros Front sang Communist Terrorist Group ang naka –engkwentro sang militar kag kapulisan kag ang isa ka NPA  nga wala pa makilala-an ang napatay.Na-recover sang militar ang isa ka M16 rifle kag nagapadayon pa ang clearing operation sang otoridad.Nagapatigayon sang Joint Enhanced Military and Police operation ang otoridad sang natabo ang engkwentro. Naglawig sang pito ka minutos ang pagbayluhanay sang lupok.

Nakuhaan sang masobra P1M sang shabu ang duha ka mga high value individual sa Purok Nawasa, Brgy. San Jose banwa sang Binalbagan Miyerkules sang hapon.Ang mga nadakpan ginkilala nga sanday Rex Navarro, 47-anyos, isa ka construction worker kag si Domingo Robles, 45-anyos, isa ka mangunguma.Suno sa kay Police Major Randy Babor ang Chief of Police sang Binalbagan PNP, ginpatigayon nga drug bust operation sang PNP – Drug Enforcement Group, nakuha sa duha ka mga suspek ang duha ka mga bulto sang shabu, lima ka mga heat-sealed transparent plastic sachet kag mga personal nga kagamitan.Nagabug-at sang 156 gramos ang suspected shabu kag nagabalor sang 1,060, 800 pesos. Detained karon ang duha ka mga suspek kag pasakaan sang kaso sa paglapas sang RA 9165 ukon ang Comprehensive Dange...

May seedable clouds na nga nakit-an kag ang gina pat-od na lamang sa karon amo ang budget nga sarang magamit diri.Ini suno sa Department of Agriculture Region 6 nga nagsapol damlag pa kay Governor Eugenio Jose Lacson. 6 million pesos ang pondo nga kinahanglan para sa cloudseeding operation sa bilog nga Western Visayas.Ginsiling man sang PAGASA sa forecast sini nga maga sugod ang pag tupa sang ulan sa tunga-tunga sang bulan sang Mayo, pero suno sa kay Asst Regional Director sang DA nga si Engr Albert Barrogo, ang pag tupa sang ulan indi pa supisyente para sa pananum.Below normal sa gihapon ang pagtupa sang ulan sa bulan sang Mayo.Kun matigayon ang cloud seeding operation sini nga Mayo tubtob sa ika duha nga semana sang Hunyo makabulig pa ini sa mga pananom.Personal n...

Ginaklaro sang Vice Mayor sang Silay City nga ang ila konseho wala naga pamatuk sa bulk water project sang probinsya. May pila ka mga punto nga luyag sila nga ma klaruhan suno sa iya.Ang Silay City na lamang sa mga LGU nga nasakpan sang 1.2 billion peso bulk water project sang probinsya ang wala makahatag sang Resolution of No Objection.Suno kay Silay City Vice Mayor Tom Ledesma, sa karon ginahulat sang konseho ang Resolution of No Objection sang mga barangay nga direkta ma apektuhan sang bulk water project kag ini amo ang mga barangay sang Hawaiian, Guimbalaon kag Kapitan Ramon. Sa bulk water project isa sa mga proposed intake sites kag water treatment sites ang yara sa Guimbalaon.“To clarify things we are not against it. We just want to be clarified lang”, suno kay Ledes...

Dead on arrival sa ospital ang duha ka lalaki matapos mabunggo kag nagdasok sa idalom sang truck sa Purok Kalubihan, Barangay Cartagena, Sipalay City Martes sang gab-i.Ang mga biktima isa ka 15 anyos kag 21 anyos nga si Adrian Paulino.Suno sa kay Police Major Fernando Somblingo ang Chief of Police sang Sipalay City PNP, nagbakal sang ice ang mga biktima sakay sa ila nga motor.Nagtupa ang madamol nga ulan gani wala makita sang mga biktima ang naga park nga truck.Bangud sa madasig nga pagpadalagan nagsuhot ang motor sa truck kag nag agum sang seryoso nga mga samad ang mga biktima.Wala sang suksok nga helmet ang mga biktima sang natabo ang insidente.

Duha ka sunod-sunod nga engkwentro ang nagluntad sa Sitio Inangaw, Brgy. Quintin Remo, banwa sang Moises Padilla sang kahapon.Suno kay Lieutenant Colonel J-Jay Javines, Spokesperson sang 3rd Infantry Division, nagapatigayon sang combat operation ang army matapos may nag report nga residente nga may presensya sang masobra pito ka mga armado sa area gani nagluntad ang engkwentro.Ginsundan pa gid ini sang ikaduha nga engkwentro nga naglawig sang 10 minutos.Napatay si Richard Dela Peña, alias Rocky, ginapatihan nga nabilin nga pwersa sang Central Negros Front 1 kag residente sa amo nga lugar.Si Dela Peña, ang isa sa mga likod sa pagpatay kay Albert Goles sadtong Abril 24 kag nangin imbolbado man ini sa pila ka mga krimen suno sa army.Nakuha man sang militar ang M16 A1 rifle...

Low pressure area sa gwa sang Mindanao posible mag-develop sa isa ka bagyo. Las otso kaina sang aga nag develop na sa isa ka low pressure area ang pagtipon-tipon sang panganod sa east sang Mindanao sa gwa sang Philippine Area of Responsibility.Suno sa PAGASA posible nga sa weekend magdala sang pag-ulan ang LPA sa eastern Mindanao, Eastern Visayas kag Bicol Region. May posibilidad man nga mag develop sa isa ka bagyo ang LPA. Sa karon wala pa ini sang direkta nga epekto sa Pilipinas.Ang easterlies ukon ang mainit nga hangin gikan sa Pacific Ocean ang naga apekto sa Pilipinas.Ang localized thunderstorms naman ang naga dala sang pag-ulan nga masami kun hapon kag kun gab-i.

Gin aprubahan na sang senado sa third kag final reading kahapon ang franchise sang Negros Electric Power Corporation (NEPC) agud mag-operate bilang bag-o nga distribution utility sa Central Negros pinaagi sa Joint Venture Agreement (JVA) sa Central Negros Electric Cooperative (CENECO).Sa ginpatigayon nga plenary session sa House Bill number 9805, 22 ka mga senador ang pabor sa pagpasar sang prangkisa.Magahulat na lamang ang NEPC sang pirma sang presidente para maka tigayon na padalagan sang electric distribution company nga naga serbe sa Bacolod, Talisay, Silay, Bago, Murcia kag Don Salvador Benedicto.

Big loss sa mga Negrense.Ini para kay acting Governor Jeffrey Ferrer ang pag -resign ni Senate President Miguel Zubiri.Suno kay Ferrer, indi mag nubo sa 100 million pesos sa kada tuig ang gina hatag nga suporta ni Zubiri nga isa man ka Negrense sa kada banwa kag siudad sa Negros Occidental nga may yara sya sang proyekto ukon advocacy.Dugang pa ni Ferrer daku man ang bulig ni Zubiri sa sugar industry.Daku nga bahin sang ekonomiya sang probinsya ang industriya sang kalamay.Kahapon nag-resign si Zubiri bilang senate president matapos ang pagpangalagad sang duha ka tuig.Indi naman ma apektuhan suno kay Ferrer ang Negros Island Region Bill.Suno sa iya yara na ini karon sa Office of the President kag damlag pa nag saad na ang presidente nga iya paga lagdaan ini...