Ang low pressure area nga gina monitor sang PAGASA ang naka sulod na sa Philipine Area of Responsibility kaina sang aga. As of 10am, ang LPA ang yara na sa 870km east sang southeast sang Mindanao. Sa subong wala pa ini sang direkta nga epekto sa pungsod.
Gina paabot nga bwas, ang LPA ang mangin isa na ka bagyo. Pagatawgon ini nga Aghon.
Naga giho ini pasaka kag yara lang ini sa dagat ukon offshore.
Pero suno sa PAGASA may posibilidad nga magkambyo ang movement sang bagyo.
Pwede ini mag landfall sa Pilipinas kag mag igo sa eastern Visayas kag Bicol Region kag pwede ini mag recurve.
Ang trough ukon ang extension sang bagyo ang maga dala sang pag ulan sa pila ka bahin sang Pilipinas.
Bwas gina paabot ang posible nga pag-ulan sa mga probinsya sa Western Visayas.
Sa karon, ang easterlies sa gihapon ukon ang mainit nga hangin gikan sa Pacific Ocean ang naga apekto sa pungsod. Posible ang hinali nga pag bubo sang ulan sa hapon ukon sa gab-i.