Romeo Subaldo

12 ka mga ginapatihan pusher sang iligal nga droga nadakpan sa simultaneous police operation sa probinsya sang Negros Oriental. Sa masupog nga 3-day Simultaneous Anti-Criminality Law Enforcement Operation ukon SACLEO nga ginlunsar sang Negros Oriental PNP nadakpan ang 12 ka mga nagaduso sang iligal nga droga sa probinsya.Naglab ot sa 116.19 grams sang suspected shabu nga nagabalor sa masobra P790,000 ang na recover sang kapulisan.Ginsiling ni NORPPO Director Police Colonel Ronan Claravall, may 42 pa ka mga wanted person ang natigayon nga nadakpan.41 ang naaresto tungod sang illegal gambling kag may 33 ka mga armas ang nakumpiskar.Nagsugod Mayo 24 asta 26 ang PNP operation kun diin masobra 824 ang ginpasakaan kaso angut sa pagsupak sang nagkalain lain nga ordinansa.

https://youtu.be/wu-hX8OiiGAIndi na pagdayunon ang pagtukod sang bag-o nga structure sa Burgos Public Market. Ang pondo ang italana na lang sa iban nga merkado ukon pagpatukod sang bag-o nga mga merkado sa Bacolod.  Ini ang gin anunsyo ni Mayor Albee Benitez kasunod sang pagpamalabag sang mga vendors sa amo nga proyekto.May report si Romeo Subaldo.

Nakilala na ang bangkay nga nahulog sa sapa sa may taytay sa Purok Kamaisan sakop sang Barangay Camanjac sa Dumaguete City sang kahapon nga adlaw. Suno sa PNP, ginkilala ang biktima nga si Felipe Pinili, 66  anyos sang  Barangay Batinguel.Suno sa misis sang biktima, sang Domingo nagsaulog pa sang iya nga kaadlawan ang iya mister kag nag inum sila sang iya nga mga abyan kag sang Lunes nasapwan na lamang ang iya nga bangkay sa sapa. Duda sang PNP posible sa kahulugbon nahulog ang biktima sa sapa. Nagapadayon pa ang ila nga imbestigasyon.

Wala anay may matabo nga dakpanay sang e-bike kag e-trike sa masunod nga 30 ka adlaw.Ini matapos nga gin-aprubahan ni Mayor Albee Benitez ang dugang nga 30 ka adlaw nga moratorium sa dakpanay sa mga wala marehistro nga electric vehicles sa siudad sang Bacolod.Sa Memorandum No. 110 series of 2024 nga ginpirmahan sang alkalde kag naka address kay Bacolod Traffic Authority Office (BTAO) Officer-in-charge (OIC) Patrick Lacson, nasaad diri nga ginpalawig ang moratorium agud hatagan sang dugang nga ti-on ang pagplastar sang komprehensibo nga pag-regulate kag pag-amyenda sa mga ordinansa sang siudad may kaangtanan sa regulasyon sa electric bicycle (e-bike) kag tricycles (e-trike) operations.Halos tanan nga mga barangay ang naka pasa na sang listahan sang mga naga biyahe ang e-bike kag...

https://youtu.be/NYlC0aWOw-YSa Regional Development Council meeting kaina sang aga, gin-istoryahan na sang mga alkalde kag mga regional offices amo ang preparasyon para sa Negros Island Region.  Mayor sang Dumaguete City naga duso sang dugang nga mga dalan nga maga angut sang Occidental kag Oriental Negros para mapahapos pa gid ang pagbiyahe.

Lalaki nga naga trabaho sa bulangan patay matapos ginbuno sang tag-iya ka peryahan.Gina-alegar nga nagpang-baldog ang biktima.Patay sa pagpangbuno ang largador sa bulangan nga si Gerald Billeran, 41-anyos.  Suspek sa pagbuno ang tag-iya sang peryahan nga si Ronel Tadiaque matapos nga gina-alegar nagpang-baldog sa bulangan sang kapin P20,000 sa Relocation Site, Barangay 9 sa Kabankalan City sang Domingo sang kaagahon.Suno kay Police Captain Sammy Gasataya, Chief of Operation sang Kabankalan City Police Station,  nakita sang suspek si Billeran sa peryahan kag hinali lang niya nga ginbuno ini sa likod gamit ang kutsilyo.Gilayon ginhingagaw dala sa ospital ang biktima apang gindeklarar nga dead on arrival, samtang nagpalagyo ang suspetsado matapos ang krimen. Per...

Pilason ang isa ka lalaki matapos nga ini ang matiruhan sang isa ka pulis sa Barangay Balayong, Pamplona Negros Oriental sang Biyernes.Sa imbestigasyon sang Pamplona PNP, ang pulis nga si Police Major Ricky Dacotdacot ang nagtambong lang sa kapistahan sang banwa kag sa iya pagpauli nasugata niya ang biktima nga si Ricky Acabal.Suno sa spokesperson sang Negros Oriental Police Provincial Office nga si Police Lt. Stephen Polinar, gin banggaan sang gina alegar hubog nga biktima ang pulis.Nag sabtanay sila nga duha tubtob nga nagkuha na sang kutsilyo ang biktima. Napilitan ang pulis nga mag gabot man sang pusil kag gintiro ang biktima. Gindala ang biktima sa ospital.Gilayon naman nga nagsungka ang pulis sa Pamplona PNP bitbit ang iya nga armas.Ang pulis ang yara sa non-duty ...

https://www.youtube.com/watch?v=6vhlzqR3bGoBagyo Aghon maga landfall sa Eastern Visayas sa buas. May mga areas na sa Luzon, Visayas kag Mindanao nga napaidalom sa tropical cyclone wind signal bangud sang bagyo.

Patay ang amay nga si Ciceron Bautista sa pagmuno kag panglabo sa Hacienda Panaogao 2, Brgy. 4, Silay City Miyerkules sang gab-i.Pilason ang anak ni Ciceron nga si Ronald kag isa pa ka lalaki nga si Andrew Mondragon. Ang suspek ginkilala kay Meljun Mediane.Suno kay Lt. Colonel Mark Anthony Darroca, hepe sang Silay City PNP, nagkadto ang mag-amay nga Bautista sa balay sang suspek agud husayon ang ila away sang nagligad nga inadlaw.Ang suspek may upod sa iya balay nga si Mondragon.Nagkomprontahanay ang bata nga Bautista kag ang suspek gani ginbuno siya sini gamit ang kutsilyo. Nagtambag ang amay apang ini ang nabun-an sa tiyan nga gintunaan sang iya kamatayon.Si Mondragon ang nagbulig man tambag apang ini ang nabun-an man ni Mediane sa palad.Apang ang bata nga Baut...

Nakilala na ang napatay nga gina alegar nabilin nga katapo sang NPA sa nagluntad nga engkwentro sang Miyerkules sa Sitio Manaysay, Brgy. Cambayobo, banwa sang Calatrava.Suno sa 79th Infantry Battalion, ang napatay ang ginkilala kay Jeje Redobles, Yunit Militia/Local Courier, nga nabilin nga katapo sang North Negros Front- (D), Komiteng Rehiyon Negros, Cebu, Bohol, Siquijor sang NPA.Dugang pa sang army, Si Redobles ang involved sa serye sang engkwentro sa Brgy. Pinapugasan, Escalante City kag nagaserbe nga contact kag guide sa nagapalagyo nga nga mga communist terrorists. Ini nga impormasyon ang ginkumpirma man sang mga nag-surrender nga mga rebelde.Na-recover naman sa encounter site ang nagkalain-lain nga armas, improvised explosive device, bala kag personal nga kagamitan.