May seedable clouds na nga nakit-an kag ang gina pat-od na lamang sa karon amo ang budget nga sarang magamit diri.
Ini suno sa Department of Agriculture Region 6 nga nagsapol damlag pa kay Governor Eugenio Jose Lacson. 6 million pesos ang pondo nga kinahanglan para sa cloudseeding operation sa bilog nga Western Visayas.
Ginsiling man sang PAGASA sa forecast sini nga maga sugod ang pag tupa sang ulan sa tunga-tunga sang bulan sang Mayo, pero suno sa kay Asst Regional Director sang DA nga si Engr Albert Barrogo, ang pag tupa sang ulan indi pa supisyente para sa pananum.
Below normal sa gihapon ang pagtupa sang ulan sa bulan sang Mayo.
Kun matigayon ang cloud seeding operation sini nga Mayo tubtob sa ika duha nga semana sang Hunyo makabulig pa ini sa mga pananom.
Personal nga nagpadulong sa Central Office ang Regional Director sang DA nga si Dennis Arpia para ma follow-up ang pondo.
“Ang ginabasehan namon subong ang iya sang PAGASA nga forecast, which nga subong nga bulan, below normal. Below normal siya gihapon wala pa siya ga normalize, that’s why nga gina try gid namon nga kun maayo ni Director about sa budget basi maka pa ano kita sang cloud seeding. Kun nakita ninyo ang ano man lang sang cloud seeding naton maka enhance sang ulan. Ga ulan tuod pero pila lang ka minuto. Tam-an pa gid ka init sang ground naton subong”, suno kay Barrogo.
Sang Abril wala gin-recommend sang Bureau of Soils and Water Management ang pagpatuman sang cloud seeding operation bangud wala sang seedable clouds kag kakulang sang moisture.