Romeo Subaldo

Gina agda sang Negros Association of Chief Executives ang mga alkalde sang Negros Oriental kag Siquijor nga mag upod upod sa grupo.Isa ka resolution ang gin pasar sang Negros ACE nga naga imbitar sa mga alkalde sang Siquijor kag Negros Oriental nga mag upod sa grupo kag mag buylog sa vision para sa Negros Island Region.Ginsiling ni Mayor Javi Benitez ang presidente sang Negros ACE nga siya ang maga padulong sa Dumaguete sa weekend kag mahimo nga kaupod niya man si Manapla Mayor Manolet Escalante.Tuyo niya nga mag sapol sa mga opisyales didto kag para man maka sugilanon angut sa amo nga pag pang agda.Samtang, isa pa gid ka resolution ang gin pasar sang Negros ACE nga naga hinyo sa Department of Environment and Natural Resources nga ipa bilin sa status quo ang contemporary...

Patay ang 21 anyos nga si Rodemil Gantalao matapos aksidente nga natiruhan sang iya abyan sa Purok Cabatuhan, Barangay Tabunan, Bago City sang Domingo sang gab-i.Suno kay Police Senior Master Sergeant Erwin Jamandre, case investigator, nagapanglimpyo ang 17 anyos nga menor de edad sa sulod sang ila balay tungod manugpauli ang iya iloy sang nagkadto man sa ila balay si Gantalao.Ginsugo niya ang menor de edad nga kuhaon ang armas sang iya stepfather.Ginkuha naman sang 17 anyos ang .38 caliber revolver kag sang hana' na niya nga iduhol aksidente niya nga napitik ang armas nga nakatuon kay Gantalao pero may alegasyon naman nga iya gin lango-lango nga tiruhon ang abyan kag aksidente nga napitik ang pusil.Naigo sang bala sa agtang ang biktima gani gin hingagaw dala sa ospital ...

Nagduha na ka semana nga naga pabilin sa morgue sang Holy Angels nga punerarya sa Cuadra-Lacson Street sa Bacolod ang bangkay sang isa ka wala makilal-an nga lalaki nga nakit-an sa suba sa Purok Hanapbuhay sa Barangay Pahanocoy sa Bacolod sadto pang Mayo 3.Ang lalaki ang gina patihan nga nahulog sa taytay.Wala ini sang bayo sang masapwan kag naka dark brown nga shorts.Bangud nadugayan na, kun wala pa sa gihapon sang pamilya nga maka palapit sa Holy Angels nga punerarya, mapilitan ang management nga ipalubong na lamang ini.Sa mga nadulaan sang himata, mahimo makig angut lang sa Police Station 8 sa Bacolod ukon sa Holy Angels.

https://www.youtube.com/watch?v=971jjT3jjHMAksyon protesta sang mga traditional jeepney drivers kag operators nag resulta sa sakitanay, pag buslot sang goma kag pagka guba sang side mirror sang isa man ka traditional jeepney.  Sang ulihi nadala sa istorya ang magtimbang nga bahin nga palarehos lang man ang kawsa.  

Cloud seeding operation sa tunga epekto sang pag biti sang init sa malawig na nga tion ang gina hinyo sang Negros Association of Chief Executives gikan sa Department of Agriculture.Unanimous nga ginpasar sang Negros ACE ang resolution sang Mayo 10, nga naga hinyo sang pagpatuman sang cloud seeding bilang alibyo sa kahalitan sang El Nino Phenomenon sa probinsya.Sa datus nga gin-release sang kapitolyo as of May 15, nagdangat na sa 318.9 million pesos ang kahalitan sang drought sa humayan, maisan, high value crops kag fisheries sa probinsya.Apat na ka mga banwa kag siudad ang nagdeklara sang state of calamity tuga sang kahalitan sang El Nino Phenomenon.Damlag pa wala gin-recommend sang Bureau of Soils and Water Management base sa survey nga ila ginpatigayon sa probinsy...

Patay ang naga tabok sa dalan nga 17 anyos kag pilason duha ka iban pa nga naga bakal sa tiangge matapos nga mabungguan sang isa ka atwo sa Purok Starapple, Barangay Caridad, siudad sang Bago, Sabado sang gab-i. Ang mga nasamaran isa ka 17 kag ang 20 anyos nga si si Laurence Maquiling.Ginkilala naman kay Rodolfo Medel Jr., 39-anyos, ang naga dala sang awto.Suno kay Police Staff Sergeant Ronald Javier, traffic investigator sang Bago City PNP, gikan ang awto sa Brgy. Maao kag pakadto kun tani sa Bago City proper.Una niya nga nabungguan ang ang naga-park nga Rusi nga motorsiklo kag madason ang isa ka Honda XRM nga natumba sa 17-anyos nga babaye kag kay Maquiling nga nagabakal lang sa tiangge.Isa pa gid ka Yamaha Mio ang iya nabungguan kag masunod amo na ang dalagita nga napata...

Isa ka lawas sang wala pa makilal-an nga lalaki ang nasapwan sa Hda Carmenchica, Brgy. DSB, banwa sang Pontevedra, Sabado sang aga.Ang bangkay ang nagahapa, wala sang panapton kag nagakadunot na sang makita ini sang isa ka mangunguma.Sa inisyal nga pagpangusisa sang Pontevedra PNP, natukiban nga samtang yara sa talamnan sang tubo ang isa ka residente agud magpamutang kun tani sang abono, may napamanimahuan ini kag sang iya ginkadtuan, didto sini nakita ang bangkay.Sa karon, yara na sa ABE funeral homes ang bangkay.

https://www.youtube.com/watch?v=OmUqF5iPpxADuha ka mga pulis nga taga Bacolod kag isa taga Aklan ginpang kakas sa pwesto matapos ang alegasyon nga naga baton sang payola gikan sa illegal gambling.

Binulto nga shabu ang nakuha sa mag live-in partner nga mga high value individual sa Blk 3, Lot 5 Camella Bacolod South, sa Circumferential Road Brgy. Tangub siudad sang Bacolod.Ang mga nadakpan ginkilala nga sanday Richard Monton, 42-anyos kag ang iya nga live-in partner nga si Jenimar Garcia.Paagi sa ginpatigayon nga drug buy-bust operation sang Regional Drug Enforcement Unit sang Police Regional Office kag 6 PDEA Region 6 kaupod ang Police Station 8 sang Bacolod. Nakuha sa mga suspek ang tatlo ka mga heat sealed transparent plastic sachet sang shabu, apat ka mga bulto sang shabu, 13 mil pesos nga kwarta kag mga personal nga kagamitan.Nagabug-at sang 420 gramos ang iligal nga droga kag ini ang nagabalor sang 2,856,000 pesos. Sa karon detained sa Police Station 8 ang duha.

Ginpaandaman ni Police Regional Office 6 Director Police Brigadier General Jack Wanky ang mga pulis sa iya pag hinun-anon sa ila nga indi mag intra sa kun ano mga destabilization batuk sa Marcos administration.Suno kay Wanky may mga naga lapta nga istorya parte diri pero naga pati siya professional ang mga pulis sa Negros Occidental kag Bacolod gani indi sila makigbahin sa kun ano man nga lihok para sa pagtumba sang gobyerno.Para sa regional director indi naman kinahanglan ang loyalty check sa mga pulis kay tampad sila sa gobyerno. Wala man siya sang nakita nga problema sa pagpalakad sang gobyerno gani gina respeto nila ang konstitusyon sang Pilipinas.