Shadow

9 ka mga kongresista sa Negros Island liwat nga nagduso sang pagbalik sang NIR

Gina abi-abi ni Negros Occidental Governor Eugenio Jose Lacson ang pag file sang siyam ka mga kongresista sa isla sang Negros sang bill para sa Negros Island Region.

Suno kay Governor Lacson ayhan indi man lubos nga matigayon ini sa 18th Congress, nagalaum siya sang katumanan sini sa masunod nga kongreso.

Sang Martes ginfile sang siyam ka mga kongresista ang house bill 10-5-34 para sa pag tuga sang Negros Island Region para sa mas maayo nga economic coordination kag mas masulhay pa gid nga paghatag sang public service sa Negros Occidental kag Oriental suno kay 3rd District Representative Francisco “Kiko” Benitez.

Kabahin sa naglagda para sa Negros Island Region Act amo sanday Representatives Gerardo Valmayor, Leo Rafael Cueva, Juliet Ferrer, Ma. Lourdes Arroyo, Greg Gasataya, Stephen Paduano, Jocelyn Limkaichong kag Arnolfo Teves, Jr.

Damlag pa, nag file man sang hagna si Senator Juan Miguel Zubiri para sa pagtuga sang Negros Island Administrative Region.

Samtang, si Senatorial aspirant nga anay Agriculture Secretary Emmanuel Pinol nga yari sa Negros Occidental sa pag panagtag sang bamboo seedlings, ang pabor man sa amo nga hagna bangud ini ang labing maka bentaha sa duha ka probinsya.

Leave a Reply

Your email address will not be published. Required fields are marked *

Secured By miniOrangeSecured By miniOrange