Shadow

Masobra sa 40 ka mga vaccination centers gintalana para sa National Vaccination Days

Target sang Bacolod nga mabakunahan ang masobra sisenta ka mga indibidwal sa natalana nga 3 day national vaccination sa Nobyembre 29 tubtob Disyembre uno.

Gani magluwas sa pag-gamit sang mga eskwelahan bilang dugang nga vaccination centers, ila man igahanda ang mga kabarangayan para sa 3-day vaccination.

Suno kay Dr. Chris Sorongon, deputy for medical data and analysis sang Emergency Operations Center, preparado naman ang katapo sang City Health Office, COVAC Council, EOC upod sa mga barangay health workers nga italana sa masobra kwarenta ka mga vaccination centers nga ila ihanda.

Nagalaum ang katapo sang EOC nga paagi man sa 3-day national vaccination malab-ot sang Bacolod ang 70 percent nga herd immunity sa Disyembre kadungan sang posible pagpahalog pa sang mga travel kag health restrictions karon nga naganubo ang kaso sang Covid-19 pati na ang utilization capacity rate sang mga ospital sa siudad.

Leave a Reply

Your email address will not be published. Required fields are marked *

Secured By miniOrangeSecured By miniOrange