Shadow

Lalaki nasapwan nga patay sang iya nga live in partner

Calatrava PNP photo

Patay na sang masapwan kahapon sang iya nga live in partner ang 49 anyos nga si Ronald Barbon sa kilid sang dalan sa Barangay Minapasok sa banwa sang Calatrava.

Suno kay Major Roberto Indiape, hepe sang Calatrava PNP, papauli na kun tani sang martes kag masakay na sa ila motor si Barbon kag ang iya live in partner nga si Elizabeth Perpetua sang sila ang gin balabagan sang tatlo ka wala pa makilal-an nga persona.

Gin papauli suno sang pulis sang mga suspek si Perpetua kag gin tayaan sang kutsilyo samtang ginpabilin naman si Barbon.

Pagkasunod nga adlaw suno kay Indiape, gin balikan ni Perpetua ang iya partner kag nakita na lang niya ini nga may mga buno buno na kag patay na.

Pahayag ni Indiape, antes pa natabo ang krimen, may yara sang gin away ang biktima nga naga pang utod sang kahoy kag isa ini sa ila gina tan-aw nga motibo sa pag patay sa iya.

Leave a Reply

Your email address will not be published. Required fields are marked *

Secured By miniOrangeSecured By miniOrange