Ginbawi na sang Victorias City ang ila nga request nga mag-ula sang ila basura sa Sanitary Landfill sang Bacolod City sa Barangay Felisa.
Ini ang ginpahayag mismo ni Bacolod City Mayor Greg Gasataya sa iya pinakauna nga State of the City Address nga ginpatigayon Miyerkules sang hapon.
Sa Facebook post naman ni Victorias City Mayor Junb Bantug, iya ginsaysay nga ginpakamaayo nila nga bawion ang request bangud sa pagkahangawa sang mga pumuluyo sang siudad, ilabi na sang mga taga Barangay Felisa.
Nagpanindugan man ini nga ligal man kuntani ang amo nga request, apang ila man nahangpan ang mga reklamo sang Bacolodnon.
Ang pag bawi sang request ang suno sa iya pamaagi man agud mapabilin nga mabakod ang relasyon sang Bacolod kag Victorias.
Ginapadali na sang Victorias ang pagkay-o sang ila kaugalingon nga sanitary landfill kag natalana ini nga mahuman sa masunod nga tuig.
Samtang, ginpatpat man ni Gasataya sa iya nga SOCA ang mga programa sang iya administrasyon sa ikaayong lawas, edukasyon, sports traffic kag transportation kag disaster resiliency.
Gintambungan sang mga punong barangay sang siudad ang nauna nga SOCA sang alkalde. Yara man si Bacolod City Lone District Representative Alfredo Abelardo Benitez kag mga city directors.
[sibwp_form id=1]