Probinsya sang Negros Occidental ang nagtukod na sang Provincial Biosecurity Task Force for Agriculture batuk sa RSSI kag iban pa gid nga biological threats.
Sandig sa Executive Order ni Governor Eugenio Jose Lacson, tuyo sini nga mas mangin hugot ang coordination, lakip na ang pag control kag ang management sang red-striped soft scale insect kag iban pa gid nga biological pests sa Negros Occidental.
Kasunod sang paglapad sang infestation sang RSSI sa mga katubuhan sandig sa datus sang Sugar Regulatory Administration, ang UNIFED, CONFED kag PHILSURIN ang nag panawagan sa gobyerno probinsyal nga mag patuman sang gilayon nga tikang para matapna ang paglapta sang RSSI.
Sa July 3 nga report sang SRA ang RSSI nag apekto na sang 88,872.05 nga ektariya sang katubuhan.
Ang daku nga kahalitan yara sa NIR – 78,367 hectares ukon 32.76 percent sang kabilugan nga katuban sa rehiyon.
Ang Negros Occidental naga produce sang 61 percent sang kabilugan nga sugar production sang pungsod.
Mismo si Gov Lacson ang maga serbe nga chairperson, Vice Chair naman si Board Member Andrew Montelibano nga SP Committee chair on Environment kag si Engr Colen Ocalinas naman nga Executive Assistant IV ang maga serbe nga action officer.
[sibwp_form id=1]