Shadow

Tiglawas sang telecommunication companies kag mga newly elected officials sang Bacolod nagsapul na para sa pagkakas sang spaghetti wires

Mga elected candidates ginpasalig sang mga telecommunications company nga sugdan na kaayo kag himus ang mga “spaghetti wires” sa siudad.

Pangatlo sa 8-point agenda ni mayor elect Albee Benitez ang pagdula sang mga spaghetti wires ukon ang mga naga-laylay kag nagalinambod kable sa mga poste sang telecommunications company kag Central Negros Electric Cooperative ukon CENECO.

Gani sa pagsinapol sang tiglawas sang mga telecommunications company upod sanday re-elected Congressman Greg Gasataya, councilor-elect Thaddy Sayson kag Al Espino, ila ginpasalig nga masugdan ang pagkaayo sang mga naga-laylay kag naga lambod nga kable sa mga poste.

Suno kay Sayson, wala pa sang pat-ud nga adlaw kun san-o suguran sang telco ang paghimus sang ila mga kable.

Pero nagapakita lang nga suportado sang mga telco ang luyag matabo ni Benitez agud masiguro ang public safety ilabi na sang mga motorista kag kasubong man nga mapasiguro nga mangin tayuyon ang internet connectivity.

Secured By miniOrange