Kun indi magsugot ang contractor para sa bag-o nga Provincial Administration Center sa matabo nga rebidding para sa amo nga proyekto, laban nga sa Bacolod City ini patukuron.
Nagsulat na si Governor Eugenio Jose Lacson sa Dynamic Builders, Inc., ang contractor sang proyekto, kun bala sila ang maga sugot sa matabo nga rebidding.
Suno sa Government Procurement Policy Board ang rebidding kinahanglan kun ang bag-o nga Provincial Administration Center ang paga tukuron sa propiedad sang probinsya sa Talisay City, tigaylo sa duta man sang probisya sa Aguinaldo St., sa Bacolod City sandig sa original nga plano.
Suno kay Lacson, ginahulat nila ang sabat sang contractor. Sa tion nga indi ini magsugot ini ang mangin isa ka legal nga issue.
Suno kay Lacson nag-usik na ang probinsya sang tatlo ka tuig para sa amo nga proyekto. Nagabalor sang halos isa ka bilyon ka pesos ang pagpatukod sang bag-o nga PAC.
Gina paabot ang sabat sang Dynamic Builders, Inc sa katapusan sang bulan.