Shadow

11 ka mga tapasero sa Bago City nakilatan, 2 malubha ang kahimtangan

Maria Adeline Prado photo

Yara sa karon sa malubha nga kahimtangan ang duha sa onse ka mga tapasero nga nakilatan kahapon sa Purok Concordia, Barangay Maao sa siyudad sang Bago.

Sa regional hospital ginabulong sa karon si Herson subong samtang sa Silay Provincial Hospital naman si Carlo Peralta.

Suno sa Bago PNP, naga panapas kag naga karga sang mga tubo sa truck ang mga tapasero sang hinali mag bunok ang ulan.

Nag pasilong sa idalum sang truck ang onse ka mga tapasero. Gulpi na lang suno sa pulis nag pangilat kag sang pag balikid sang driver sang truck, naga higda na ang mga tapasero nga naigu sang kilat.

Magluwas sa duha ka kritikal, walo ang yara pa karon sa Bago City District Hospital. Isa naman ang out patient.

Secured By miniOrange