Tag: Negros Occidental news

4.1 magnitude nga linog ang na record Martes sang udto sang Phivolcs sa Sipalay City.Ini ang tectonic kag intensity 5 ang nabatayagan sa Sipalay City. Sa video nga gin post ni Harold Jordan, makit-an ang pag-uyog sang cctv camera nga yara sa covered court sang Brgy San Jose Mina sa Sipalay City.Sa panaysayon ni Jordan nga nagaduty sa amo nga tion sa barangay hall siya ang nag dalagan pa gwa bangud tuman ang pagtay-og. Suno kay Dionilo Bogtae ang pamuno sang SEARS ukon Sipalay Emergency and Rescue Services wala sang may gin report nga damage pero intensity five ang nabatyagan sa Sipalay.Mga lima ka segondo nga nabatayagan ang pagtay-og suno kay Bogtae. Gilayon naman nga gin pa gwa ang mga empleyado gikan sa Government Center.Sa report sang Phivolcs intensity 3 ang nabatyagan...

Kabankalan PNP photoPatay ang 42 anyos nga si Marlo Delobio samtang pilason nman ang iya angkas nga si Jake Calais matapos magbunggo sa L-300 nga van ang ila nga motorsiklo kagab-i sa highway bahin sang Barangay Orong sa Kabankalan City.Sa imbestigasyon sang Kabankalan PNP, pareho nga naga dalagan sa opposite lane ang motor kag L-300 sang hinali na lang mag overtake ang motor kag mag lapaw sa pihak nga lane samtang naga labay sa taklaron nga bahin sang dalan.Nabungguan sang motor ang panguna nga bahin sang salakyan kabangdanan nga nag labog ang duha ka pasahero.Dead on arrival sa ospital si Delobio samtang padayon naman ginabulong si Calais.