Narekober sang otoridad sa baybayon sang Sipalay City sa Negros Occidental ang P27.5 Million nga balor sang gina-alegar smuggled nga sigarilyo sang Sabado.
Sa operation nga ginpangunahan sang 4th Special Operations Unit sang PNP Maritime Group, na-intercept ang isa ka motorized banca sakay ang pito ka mga persona, tanan residente sang Zamboanga City.
Masobra 26,000 ka reams sang sigarilyo nga nagabalor P21 Million ang nakuha sa ila.
Samtang, sa kapareho nga adlaw, nakarekober ang Criminal Investigation and Detection Group Negros Occidental Provincial Field Unit sang P6.5 Million nga balor sang smuggled cigarettes sa Brgy. Maricalum sa Sipalay.
Lima ka mga lalaki ang nadakpan kag sila ang gikan Basilan kag Zamboanga City.
Mga kaso nga pagsupak sang “Graphic Health Warnings Law”, “Anti-Agricultural Economic Sabotage Act” kag Customs Modernization and Tariff Act ang ipasaka batok sa mga na-aresto.
[sibwp_form id=1]