DSWD NIR photo
Pag panagtag bulig sa idalom sang emergency cash transfer sang DSWD para sa mga apektado sang RSSI sa Negros Oriental ang ginsugdan na. Samtang, ikatlo nga batch sang tagtaganay sang ECT sa Negros Occidental ang natalana sini nga semana.
Sang weekend nasugdan ang pag panghatag sang tig P10,125 para sa magagmay nga mangunguma sa Canlaon City kag Mabinay sa Negros Oriental nga ang katubuhan apektado sang RSSI.
Ginsiling ni Department of Social Welfare and Development Regional Director Arwin Razo 5,744 ka small farmers sa Negros Oriental ang gina paabot maga baton sang ECT sini nga semana.
Nalakip man diri ang gikan sa Amlan, Bais City, Bayawan City, Jimalalud, Pamplona, Siaton, Tayasan kag Zamboangita.
Samtang sa Negros Occidental, may 28,000 ka magagmay nga mangunguma ang magabaton sang ECT sa ikatlo nga batch.
Suno kay Razo, P289.8 million pesos ang napain nga pondo para diri.
Sa ikatlo nga batch suno kay Razo, gikan sa 13 ka mga banwa kag siudad ang mga magagmay nga mangunguma ang maga baton. Sa nagligad nga payout may pito ka LGU sa Negros Occidental ang nag baton kag sa una nga batch duha ka LGU.
Ang pag release sang pondo naga depende sa kadasigon man sang pag submit sang mga LGU sang ila nga datus para ma verify ini.
“Ang target namin for the week for Oriental kasama na yung Mabinay nasa 5,744 which is equivalent to P58.1 million. Actually nag deadline kami ng submission. Nag cut off kami, I think last week. Yun yung i-reflect namin sa next na request namin. The good thins is talagang dasig mag submit si Negros Occidental LGUs for this emergency cash transfer program ni DSWD”, suno kay Razo.
[sibwp_form id=1]