Ginsiling ni Nestor Guilaran, Director sang Street and Arena Dance Competition nga yara sa 2,000 ang sarang nga ma accommodate sa mga bleachers sa SM City Bacolod nga mangin venue sang kompetisyon sumugod bwas tubtob sa Domingo.
Ini ang sandig sa ila pinakaulihi nga assessment sa area.
First come, first serve basis ang pagkuha sang pwesto. Indi man pwede nga magpa-reserve kag kun makapungko na ang isa ka persona, indi na pwede makagwa kag magabalik pa.
Mangin holding area sang mga dancers ang dalan Hernaez, apang magasugod ang Street Dance Competition sa atubang sang Rizal Elementary School, liko sa Luzuriaga Street pakadto sa SM City Bacolod.
Suno kay Guilaran, mangin continous ang street dance sini nga tuig bangud ila na gin manduan ang mga contingents nga dapat wala sang untat saot pakadto sa venue.
Magluwas sa mga naka station na nga mga judges, may ara man roving judge suno sa iya agud masiguro nga nagapadayon ang saot sa dalan.
Dugang niya, sa ila assessment, madasig man lang mag subside ang tubig sa venue hinali nga magbaha ini liwat kun magbunok ang ulan.
Sa karun, handa na ang tanan para sa school category bwas kag barangay category sa Domingo.
[sibwp_form id=1]