Katapo sang Philippine Air Force ang nag report sang 100 percent success sa cloudseeding operation.
May 38 ka cloud seeding sorties ang ila nga gin patigayon sa Region 6 kag Negros Island Region.
Isa ka exit conference kay Negros Occidental Governor Eugenio Jose Lacson kag sa Sugar Regulatory Administration ang ila nga gin patigayon.
Upod ang mga tiglawas sang Bureau of Soils and Water Management, DA Region 6 kag Weather Center ila gin talakay sa kay Governor Eugenio Jose Lacson kag sa kay SRA Board Member David Sanson, sa nag kalain-lain nga pagsinapol, ang ila nga mga accomplishment lakip na mga pag panghangkat nga na atubang sang ila nga team.
Lakip sa ila nga gin-report nga mga pagpanghangkat amo ang limited target bangud yara sa nag kalain-lain nga crop stages, reduced visibility bangud sang epekto sang volcanic eruption sang Kanlaon kag ang risgo sa blockage sang air intake system sang ila nga airfcraft bangud sang volcanic ash nga sarang maka apekto sang engine.
Ginsugdan ang cloud seeding operation sadto pang September 7 kag gin patigayon tubtob October 4. Ini ang may budget nga P6 million gikan sa BSWM-DA. May kabilugan nga 52 hours ang flying time sa duha ka mga rehiyon kag 456 ka bag sang asin ang gin gamit sa operation.
Ginsiling ni Dina Genzola OIC sang Office of the Provincial Agriculturist nga pila sa ulan nga nag tupa sa probinsya epekto sang cloudseeding operation na.
Samtang, ginsiling naman ni Sanson nga ang SRA ang naga handa sa isa pa gid ka round sang cloudseeding sini nga November nga may P13 million nga budget para ma pa hagan-hagan ang epekto sang Super El Niño.
[sibwp_form id=1]