Dugang nga hospital equipment ang ginpasalig ni Senador Joseph Victor Ejercito sa iya nga pag bisita sang Domingo sa Teresita Lopez Jalandoni Provincial Hospital.
Nagsapol si Ejercito sa mga pamuno sang provincial government hospital sa iya nga pagbisita sa probinsya kag siya ang naghinyo sang ila nga wish list.
Si Ejercito ang chairman sang Committee on Finance sa Senado.
Ginpahayag ni Ejercito nga luyag niya nga mapaayo ang mga provincial government run hospitals para man ma decongest ang Corazon Locsin Montelibano Memorial Regional Hospital sa idalom sang Department of Health kag gina kabig nga apex hospital sang Negros Island Region.
Nag tour si Ejercito sa TLJPH.
Si Ejercito, ang primary author sang Universal Health Care Law.
Suno sa iya isa sa mga tinutuyo sang Universal Health Care Law amo ang pag paayo sang pag hatag sang serbisyo paagi sa paghimo sang health care facilities santo sa kinahanglanon nga standards.
Magluwas sini, ginpahayag man ni Ejercito nga ipasiguro niya nga mapondohan ang Negros Island Region. Lakip sa priority ang pag pahamtang sang mga regional offices. Si Ejercito ang author sang layi nga nag tuga sang Negros Island Region.
[sibwp_form id=1]