Gina usisa sang Bacolod City LGU ang mga identification cards ukon IDs nga natukiban wala ma rehistro sa Office of the Senior Citizens Affairs sang siudad.
Ini matapos nga nagdangat sa masobra 5,000 ka mga senior citizen nga naga edad 65 pataas ang nag reklamo bangud wala ang ila ngalan sa mga benepisyaryo sang napulo ka kilo nga bugas sa idalum sang Bawat Bayan Makikinabang Program.
Ginsiling ni Bacolod City Mayor Greg Gasataya nga ila pa sa karun ginausisa kun sa diin nakakuha sang ID ang mga natungdan nga senior citizen kag kun ngaa wala ma rehistro ang ila ngalan sa database sang siudad.
Ginahaylo sang siudad ang mga natungdan nga ipa check kag ipa verify ang ila mga ID sa Senior Citizen’s Center agud tigayon nga masulod na ang ila ngalan sa masterlist.
Damlag pa, ginpahayag na ni Gasataya nga ila na ginhatagan sang first tranche sang 10 ka kilo nga bugas ang masobra sa 5,000 ka mga senior citizen nga wala madala sa listahan.
Subong nga semana, padayunon na sang siudad ang ika duha nga tranche sang rice distribution sa masobra 34,000 ka mga benepisyaryo.
[sibwp_form id=1]