Shadow

San Carlos naga himo sang mga tikang matapos ginbaha

Ginmando ang gilayon nga clearing sa mga clogged drainage sa San Carlos City kasunod sang pagbaha nga na eksperiensyahan tuga sang mabunok nga ulan.

Sa mga litrato nga na post sa social media, may pagbaha sa pila ka mga dalanon sa San Carlos City Miyerkules sang gab-i. Bisan gani ang Bishop’s House ang ginbaha.

Nag patigayon sang inspeksyon ni San Carlos City Mayor Renato Gustilo, upod si City Administrator Estefanio Libutan, Jr kag City Engineer Franuel Luranas sa mga lugar nga ginbaha.

Lakip sa ila nga ginkadtuan ang mga sapa malapit sa national highway nga mahimo nag awas.

Gin patinluan ni Gustilo ang mga naga bara sa waterways kag ang paghimo sang temporary canal sa kilid sang Circumferential Road para may ma agyan ang tubig kun mag bunok ang ulan.

Ginreport sang CDRRMO sang San Carlos nga ang nagtupa nga ulan sang Miyerkules sang gab-i ang nag dangat sa orange warning. Ang volume sang ulan sang amo nga gab-i sa report sang CDRRMO, kasubong sa masobra duha ka semana nga pagtupa sang normal nga ulan.

Leave a Reply

Your email address will not be published. Required fields are marked *

Secured By miniOrangeSecured By miniOrange