Sa entrance sang sini nga hollow blocks factory sa Jesusa Heights Subdivision sa Bacolod City nag pukutay ang pulis nga si Police Staff Sergeant Benjie Giron kag ang tinawo sa hollow blocks factory
nga si Rejie Buatag. Naga pabilin pa sa lugar sang insidente ang mga simagol sang pulis.
Sunos a suspek nga si Buatag, mga pasado las sais sang kagabi nag padulong diri ang pulis kay pakaisa niya ang tag iya. Mangayo siya kun tani sang volcanic soil. Wala niya ini ginpasulod kay indi niya kilala. Hinali na lang siya gindapal sang pulis
Gin ako niya nga naka inum siya pero diutay lang man kuno.
Pero suno sa commander sang Police Station 4 nga si Police Maj Ritchie Gohee, hinali na lang nagpagwa sang kutsilyo ang suspek amo kun ngaa nag kuha sang pusil ang biktima kag nag pukutay sila.
Hinali na lang naglupok ang pusil kag naigo ang pulis sa tiyan.
Nagbulig pa ang suspek sa pagdala sa biktima sa ospital pero nagtaliwan ini sang kagabi.
Nagpadulong kaina ang pamilya sang suspek sa hollow blocks factory para makig areglo sa amo sang ila himata. Naga pati sila nga self defense lang ang natabo.
Nakuha sa crime scene ang isa ka kutsilyo kag ang 9mm pistol nga service firearm sang pulis.
Kaso nga homicide ang gina handa na batuk sa suspek.