Shadow

Bacolod Alert Level 2 na: Pagbiyahe mas ginpahapos, menor de edad pwede na sa mall, mga sinehan kag amusement arcades makabukas na

YouTube player

Makit-an na sa mga nagabyahe nga jeep sa siudad ang amat amat nga pagdamo sang mga pasahero, amo man ang pagdamo sang mga menor de edad nga mga kabataan nga makit-an sa mga mall karon nga na-downgrade sa alert level 2 status ang Bacolod.

Sa Executive Order No 53 ni Mayor Evelio Leonardia, pwede naman ang mga travelers nga padulong sa Bacolod kun may mapakita sila nga vaccination card nga authorized sang local government unit, Department of Health ukon Bureau of Quarantine.

Indi na kinahanglan ang S-Pass sa mga pasahero nga maga halin sa Western Visayas, magluwas lang kun sila ang nagbyahe halin sa manila kag iban pa nga lugar nga indi sakop sang Region 6.

Pero kutob sa mga indi pa bakunado, kinahanglan gihapon ang negative RT-PCR test nga valid sa sulod sang 72 hours kag S-Pass.

Wala naman sang pag-bag-o sa pagsulundan angut sa nagapauli nga OFW, required gihapon sila nga mag-submit sang s-pass kag magpaidalom sa home quarantine.

May pila man ka mga amusement arcade ang amat amat na nga nagapanghimus para sa ila liwat nga pagbukas.

Ginpakamaayo naman sang tagdumalahan sang mga mall nga ipaiway anay ang pagbukas sang mga sinehan samtang ginagamit ini nga vaccination area sang Bacolod EOC.

Ginpalip-utan naman ang curfew hours nga magasugod na las onse sang gab-i tubtob las kwatro sang kaagahon.

Tubtob matapos ang bulan sang nobyembre, ginatugutan naman sa 50 percent ang indoor activity pero dapat fully vaccinated ang mga nagatambong.

70 percent naman kun outdoor activity kag dapat fully vaccinated man ang yara sa pagtililipon kasubong na lang sang party, kasal, bunyag kag iban pa.

Dapat fully vaccinated man ang mga empleyado sang mga tourist attractions, amusement arcade kag parks, themed parks, internet cafe, billiard halls, sinehan, bowling alleys

Pati na manunudlo kag staff sang eskwelahan nga ginpahanugutan sa pagbalik sang limited face to face classes.

Wala gihapon ginatugutan ang paga-operate sang casino, bulangan, kag pati mga betting kag gaming establishments.

Mas ginpalawig na ang oras sa pagbakal kag pag inom sang alcoholic beverages sa public places halin las dose sang udto tubtob lang las dies sang gab-i.

Secured By miniOrangeSecured By miniOrange