Shadow

Presidential aspirant nga si Ka Leody luyag nga dulaon ang poll watchers

Nag-martsa padulong sa Fountain of Justice sa atubang sang daan nga City Hall sang Bacolod ang katapo sang Konsyumer Negros upod kay presidential aspirant Leody De Guzman kaina sang aga.

Ginaduso nila ang pag-gamit sang renewable energy agud bisan paano mapahagan hagan ang kabudlayan sang mga kubos sa pagsaka sang presyo sang kuryente kag pati na mga balaklon karon nga pandemic.

Ginpahayag ni De Guzman nga dapat mabag-o ang sistema sang pang-gobyerno para mapaiway ang monopolyo sa pagdumala sang mga utility firm sa pungsod nga amo man nga nagahatag sang dugang nga palas-anon sa mga konsomidor.

Para sa labor leader, mabudlay ang iya pagpakig-away para sa mabag-o pati na ang sistema sang pamulitika kag eleksyon.

Para sa iya indi tani dapat nga pang-showbiz ang pinili-ay kag iya man ginaduso nga dulaon na ang pag-gamit sang mga poll watchers sa election.

Ginpahayag man sang presidential aspirant nga indi siya pabor sa federalismo. Ginaduso niya man ang demilitarization sa West Philippine Sea agud maugyunan sang mga claimants ang paggamit sini bilang economic zone.

Leave a Reply

Your email address will not be published. Required fields are marked *

Secured By miniOrangeSecured By miniOrange