Bulkan Kanlaon nag record sang pagsaka sang volcanic tectonic earthquakes sumugod sang Hwebes nga adlaw. Sa record sang Phivolcs subong nga adlaw padayon ang pagsaka sang volcanic-tectonic quakes.
Paathag ni Mari-Andylene Quintia, resident volcanologist, humalin 12 am sini nga Biyernes tubtob las 12 sini nga udto 107 ka volcanic-tectonic quakes ang na-record sa bulkan.
Sang Hwebes namutikan na ang pagdamo sang volcanic-tectonic quakes. Sa bilog nga adlaw sang kahapon 94 ang volcanic-tectonic quakes nga may 0.9 to 1.8 magnitude nga kabaskugon.
Subong nga adlaw magnitude 3 ang pinaka baskog nga na-record kaina 2:10 am. Paathag ni Quintia nag pa gwa sila sang advisory bangud pwede nga mag progress pa gid ini.
Nagakatabo ang volcanic-tectonic quakes suno sa Phivolcs bangud sang rock fracturing process. Ang pagdamo sini naga pakita sang padayon nga rock-fracturing sa idalom sang bulkan samtang ang naga saka nga magma ukon magmatic gas nagpangita sang alagyan pa gwa.
Padayon man ang degassing sang bulkan. Maka apat ka beses na nga naglupok ang bulkan sini nga tuig – maka duha sang Pebrero, sang Marso kag ang pinaka ulihi sang July 9 nga gina kabig isa ka moderately explosive eruption.
Sang May 2025 nga eruption sang bulkan may mga swarm of volcanic-tectonic quakes man ukon pagsaka sa volcanic-tectonic quakes nga namutikan antes ang paglupok.
“Ang aton nga nanutaran nga may mga sustained and voluminous nga degassing from our summit crater. Pag abot naman sa aton SO2 emission medyo elevated sa gihapon ang aton na measure nga sulfur dioxide nga gina pa gwa sang aton nga bulkan. Kahapon ang aton nga emission was 1,955 tons, mataas man sa gihapon and ang plume nag reach 1,300 meters ang iya nga kataason. So posible sa gihapon nga magkaroon kita sang explosive eruption,” suno kay Quintia.
[sibwp_form id=1]